Read Papantla Totonac Joel 2 Bible Online

Joel 2 - Papantla Totonac bible

Joel 2

¹Supla trompet na Sion. I laga alarma zona riba Mi seru santu! Laga tur habitante di e tera tembla, pasobra e dia di SENOR ta bin; siguramente e ta serka.

²Un dia di skuridat i tiniebla, un dia di nubia i skuridat profundo. Manera ourora ta habri ofer di e serunan, asina tin un pueblo grandi i poderoso; nunka tabatin algu manera esaki, ni lo no tin mas despues di dje pa hopi generashon ku ta bin.

³Un kandela ta devora nan dilanti, i nan tras un flam ta kima. E tera ta manera hofi di Eden nan dilanti, ma un desierto desola nan tras; i nada no ta skapa nan.

⁴Nan aparensia ta manera aparensia di kabai; i manera kabai di guera, asina nan ta kore.

⁵Ku un boroto manera zonidu di garoshi nan ta bula riba kabes di e serunan, manera flam di kandela ta chispa i ta kaba ku palu seku di mainshi, manera un pueblo poderoso prepara pa bataya.

⁶Nan dilanti e pueblonan ta den angustia; tur kara ta bira blek.

⁷Nan ta kore manera hombernan poderoso; nan ta subi muraya manera solda. Kada un ta marcha den fila, i nan no ta desvia for di nan kamindanan.

⁸Nan no ta pusha otro; kada un ta marcha riba su kaminda. Ora nan kibra pasa dor di e defensanan, nan no ta kibra formashon.

⁹Nan ta basha bai riba e stat, nan ta kore riba e muraya; nan ta subi drenta den e kasnan, nan ta drenta pa bentana manera ladron.

¹⁰Nan dilanti tera ta sakudi, e shelunan ta tembla, solo i luna ta bira skur, i e streanan ta perde nan klaridat.

¹¹I SENOR ta lanta Su bos dilanti di Su ehersito; siguramente Su kampamentu ta masha grandi mes, pasobra fuerte ta Esun ku ta kumpli ku Su palabra. E dia di SENOR di berdat ta grandi i masha temibel, i ken por soport'e?

¹²"Ma tambe awor," SENOR ta deklara, "bolbe serka Mi ku henter boso kurason, i ku yunamentu, yoramentu i lamentashon.

¹³" Sker boso kurason i no boso pananan." Awor bolbe serka SENOR boso Dios, pasobra E ta yen di grasia i yen di kompashon, Kende no ta rabia lihe i ta abunda den miserikordia, i ta repent! di kalamidat.

¹⁴Ken sa si E lo no bira i repent!, i laga un bendishon Su tras, un ofrenda di mainshi i un ofrenda di bibida pa SENOR boso Dios?

¹⁵Supla trompet na Sion, aparta un dia di yunamentu, proklama un asamblea solem.

¹⁶Reun! e pueblo, santifika e kongregashon; reun! e ansianonan, reun! e muchanan i e yunan ku ta na pechu. Laga e bruidehom sali for di su kamber, i e bruit for di su kamber di bruit.

¹⁷Laga e saserdotenan, e sirbidonan di SENOR, yora entre e veranda i e altar. I laga nan bisa: "Spar Bo pueblo, O SENOR, i no hasi di Bo erensia un reproche, un proverbio entre e nashonnan. Pakiko nan lo mester bisa entre e pueblonan: 'Unda nan Dios ta?'"

¹⁸E ora ei SENOR lo tuma parti pa Su tera, i lo hana duele di Su pueblo.

¹⁹I SENOR lo kontesta i bisa Su pueblo: "Mira, Mi ta bai manda mainshi, bina nobo i zeta pa boso, i boso lo keda satisfecho ku nan; i nunka mas lo Mi hasi boso un reproche meimei di e nashonnan.

²⁰"Ma lo Mi hala e ehersito di nort leu for di boso, i lo Mi kore kune mand'e den un tera seku i desola, i e parti dilanti di su ehersito den e laman di pariba, i e parti patras di su ehersito den e laman di pabou; i su holo malu lo lanta i su holo stinki lo lanta, pasobra el a hasi kosnan grandi."

²¹No tene miedu, O tera; regosiha i sea kontentu, pasobra SENOR a hasi kosnan grandi.

²²No tene miedu, bestianan di mondi; pasobra e yerba di mondi a bira berde, pasobra e palu a karga su fruta, e palu di figo i e mata di wendruif a duna na abundansia.

²³Asina, regosiha, O yunan di Sion, i sea kontentu den SENOR boso Dios; pasobra El a duna boso e prome yobida pa hustisia. I El a basha awaseru pa boso, tantu e awaseru di herfst komo esun di primavera, manera antes.

²⁴I e plenchinan-di-bati-mainshi lo ta yen di mainshi, i e barman lo basha ofer di bina nobo i zeta.

²⁵"E ora ei lo Mi hasi restitushon na boso pa e ananan ku e tirakochinan ku ta kriul den otro a kome, e tirakochinan ku ta lastra, e tirakochinan ku ta pela i e tirakochinan ku ta kou, Mi ehersito grandi ku Mi a manda meimei di boso.

²⁶I boso lo tin na abundansia pa kome i lo keda satisfecho, i lo alaba e nomber di SENOR boso Dios, Kende a trata maraviyosamente ku boso; e ora ei Mi pueblo lo no wordu brongosa nunka mas.

²⁷Asina boso lo sa ku Mi ta meimei di Israel, i ku Mi ta SENOR boso Dios, i ku no tin otro; i Mi pueblo lo no wordu brongosa nunka mas.

²⁸"I lo sosode despues di esaki ku lo Mi basha Mi Spiritu riba henter humanidat; i boso yu hombernan i yu muhenan lo profetisa, boso ansianonan lo sona sononan, boso hobennan lo mira vishonnan.

²⁹I tambe riba e sirbidonan homber i muhe lo Mi basha Mi Spiritu den e dianan ei.

³⁰I lo Mi mustra maraviyanan den e shelunan i riba tera, sanger, kandela i kolumnanan di huma.

³¹Solo lo wordu kambia den skuridat i luna den sanger, prome ku e dia grandi i temibel di SENOR bin.

³²I lo sosode ku ken ku invoka e nomber di SENOR lo wordu libra; pasobra riba Seru Sion i na Jerusalem lo tin esnan ku ta skapa, manera SENOR a bisa, entre e sobrebibientenan ku SENOR ta yama.