Read Papantla Totonac Joel 3 Bible Online

Joel 3 - Papantla Totonac bible

Joel 3

¹"Pasobra mira, den e dianan ei i den e tempu ei, ora Mi trese Juda i Jerusalem bek for di koutiverio,

²lo Mi reun! tur e nashonnan hiba nan na e vaye di Josafat. E ora ei lo Mi drenta huisio ku nan ayanan na fabor di Mi pueblo i Mi erensia, Israel, ku nan a plama entre e nashonnan; i nan a divid! Mi tera.

³Tambe nan a tira lot riba Mi pueblo, a kambia un mucha homber pa un prostituta, i a bende un mucha muhe pa bina pa nan bebe.

⁴"Awor kiko boso tin kontra Mi, O Tiro, Sidon i tur e regionnan di Filistea? Ta paga boso ta pagaMi bek pa algu ku Mi a hasi? Si boso ta pagaMi bek, pronto i masha lihe lo Mi debolbe riba boso mes kabes loke boso a hasi.

⁵Pasobra boso a kohe Mi plata i Mi oro, a hiba Mi tesoronan presioso den boso tempelnan,

⁶i a bende e yunan di Juda i di Jerusalem ku e griegonan, pa hiba nan leu for di nan teritorio.

⁷"Mira, Mi ta bai lanta nan for di e luga kaminda boso a bende nan, i debolbe riba boso mes kabes loke boso a hasi.

⁸Tambe lo Mi bende boso yu hombernan i boso yu muhenan den man di e yu hombernan di Juda; i nan lo bende nan ku e sabeonan, ku un nashon te leu aya," pasobra SENOR a papia.

⁹Proklama esaki meimei di e nashonnan: prepara un guera; lanta e hombernan poderoso! Laga tur e soldanan hala serka, laga nan subi.

¹⁰Bati boso plugnan traha spada ku nan, i bati boso skernan-pa-snui traha lansa ku nan; laga e debil bisa: "Mi ta un homber poderoso."

¹¹Pura bin, boso, nashonnan tur ront, i reuni ayanan. Laga Bo hombernan poderoso baha, O SENOR.

¹²Laga e nashonnan lanta i bin na e vaye di Josafat, pasobra ayanan lo Mi sinta pa huzga tur e nashonnan tur ront.

¹³Zwai ku sikkel, pasobra e kosecha ta hechu. Bin, trapa wendruif, pasobra e baki-di-pers-wendruif ta yen; e barman ta basha ofer, pasobra nan maldat ta grandi.

¹⁴Multitutnan, multitutnan den e vaye di desishon! Pasobra e dia di SENOR ta serka den e vaye di desishon.

¹⁵Solo i luna ta bira skur, i e streanan ta perde nan klaridat.

¹⁶I SENOR ta brama for di Sion i ta lanta Su bos for di Jerusalem, i e shelunan i e tera ta tembla. Ma SENOR ta un refugio pa Su pueblo i un fortalesa pa e yunan di Israel.

¹⁷E ora ei boso lo sa ku Ami ta SENOR boso Dios, Kende ta biba na Sion, Mi seru santu. Asina Jerusalem lo ta santu, i stranheronan lo no pasa mas dor di dje.

¹⁸I lo sosode ku den e dia ei e serunan lo gotia bina dushi, i e seritunan lo tin lechi ta kore na abundansia; i tur e roinan di Juda lo basha ofer ku abundansia di awa. I lo sali un fuente for di e kas di SENOR, pa muha e vaye di Sitim.

¹⁹Egipto lo bira un ruina, i Edom lo bira un mondi desola, pa motibu di e violensia hasi na e yu hombernan di Juda, den kende nan tera nan a drama sanger inosente.

²⁰Ma Juda lo ta habita pa semper, i Jerusalem pa tur generashon.

²¹I lo Mi venga nan sanger ku Mi no a venga; pasobra SENOR ta biba na Sion.