Read Papantla Totonac Amos 7 Bible Online

Amos 7 - Papantla Totonac bible

Amos 7

¹Asina Senor DIOS a mustrami, i mira, E tabata prepara un nubia di tirakochi, tempu ku e yerba di primavera a kuminsa spreit. I mira, tabata e yerba di primavera despues di a korta yerba pa rei.

²I a sosode ku ora nan a kaba di kome e vegetashon di e tera, mi a bisa: "Senor DIOS, pa fabor, pordona! Kon Jakob por sobrebibi? E ta asina chikitu."

³SENOR a kambia Su idea enkuanto esaki. "Esaki lo no sosode," SENOR a bisa.

⁴Asina Senor DIOS a mustrami, i mira, Senor DIOS tabata yama pa huzga nan ku kandela; i esaki a kaba ku e gran profundidat i a kuminsa destrui e kunukunan.

⁵E ora ei mi a bisa: "Senor DIOS, pa fabor, stop! Kon Jakob por sobrebibi? E ta asina chikitu."

⁶SENOR a kambia Su idea enkuanto esaki. "Esaki tampoko lo no sosode," Senor DIOS a bisa.

⁷Asina El a mustrami, i mira, Senor tabata para banda di un muraya vertikal, ku un chumbu-di-midi den Su man.

⁸I SENOR a bisami: "Kiko bo ta mira, Amos?" I mi a bisa: "Un chumbu-di-midi." E ora ei SENOR a bisa: "Mira, Mi ta bai pone un chumbu-di-midi meimei di Mi pueblo Israel. Lo Mi no spar nan mas.

⁹"E luganan haltu di Isaak lo keda desola, i e santuarionan di Israel lo keda ruina. E ora ei lo Mi lanta kontra e kas di Jeroboam ku spada."

¹⁰E ora ei Amasias, saserdote di Bet-el, a manda rospondi pa Jeroboam, rei di Israel, bisando: "Amos a konspira kontra bo meimei di e kas di Israel; e tera no por soporta tur su palabranan.

¹¹Pasobra asina Amos ta bisa: 'Jeroboam lo muri pa medio di spada, i Israel siguramente lo sali for di su tera bai den eksilio.'"

¹²E ora ei Amasias a bisa Amos: "Bai, abo mirado, hui bai na tera di Juda, i kome pan ayanan i profetisa ayanan!

¹³Ma no profetisa na Bet-el mas, pasobra e ta un santuario di rei i un kas real."

¹⁴E ora ei Amos a kontesta i a bisa Amasias: "Mi no ta profeta, ni mi no ta yu di profeta; ma mi ta un wardado di bestia i un plantado di palu di figo.

¹⁵Ma SENOR a kitami for di tras di e tou, i SENOR a bisami: 'Bai profetisa na Mi pueblo Israel.'

¹⁶I awor, tende e palabra di SENOR. Bo ta bisa: 'No profetisa kontra Israel ni papia kontra e kas di Isaak.'

¹⁷"Pesei, asina SENOR ta bisa: 'Bo esposa lo bira un prostituta den e stat, bo yu hombernan i bo yu muhenan lo kai pa medio di spada, bo tera lo wordu parti ku un lina-di-midi, i abo mes lo muri na un tera impuru. Ademas, siguramente Israel lo sali for di su tera bai den eksilio.'"