Read Papantla Totonac Amos 8 Bible Online

Amos 8 - Papantla Totonac bible

Amos 8

¹Esaki ta loke Senor DIOS a mustrami, i mira, tabatin un makutu di fruta hechu.

²I El a bisa: "Kiko bo ta mira, Amos?" I mi a bisa: "Un makutu di fruta hechu." E ora ei SENOR a bisami: "E fin a yega pa Mi pueblo Israel. Lo Mi no spar nan mas.

³"E kantikanan di palasio lo bira lamento den e dia ei," SENOR Dios ta deklara. "Lo tin hopi kadaver: tur kaminda nan lo benta nan den silensio."

⁴Tende esaki, boso ku ta trapa esnan ku ta den nesesidat, pa kaba ku e umildenan di e tera,

⁵bisando: "Ki tempu luna nobo lo pasa, pa nos por kumpra mainshi, i ki ora sabat lo kaba, pa nos por bende trigo, hasiendo e efa mas chikitu i e sekal mas grandi, i hortando hende ku balansa desonesto,

⁶kumprando ku plaka esnan ku ta pober i esnan ku ta den nesesidat pa un par di sandalia, asta bendiendo e bagas huntu ku e trigo?"

⁷SENOR a hura na e orguyo di Jakob: "Di berdat, nunka lo Mi no lubida ningun di nan echonan.

⁸"Tera lo no tembla pa motibu di esaki? I tur hende ku ta biba den dje lo no tene rou? Di berdat, henter e tera lo subi manera Neil, i lo bolter, i bolbe baha manera Neil di Egipto.

⁹"I lo sosode den e dia ei," SENOR Dios ta deklara, "ku lo Mi hasi solo baha na ora di merdia, i hasi tera skur di dia kla.

¹⁰E ora ei lo Mi hasi boso fiestanan bira tempu di rou i tur boso kantikanan bira lamento; i lo Mi bisti hep di tur hende ku pana-di-saku i lo hasi kabes di tur hende pelon. I lo Mi hasie manera un tempu di rou pa un uniko yu homber, i su fin lo ta manera un dia amargo.

¹¹"Mira, dianan ta bin," SENOR Dios ta deklara, "ku lo Mi manda hamber riba e tera; no hamber pa pan ni set pa awa, ma mas bien pa tende e palabranan di SENOR.

¹²I hende lo kana zeilu bai di un laman pa otro, i for di nort te pariba. Nan lo kana bai-bin pa buska e palabra di SENOR, ma nan lo no han'e.

¹³"Den e dia ei "e birgennan bunita i e hobennan lo desmaya di set.

¹⁴I esnan ku ta hura pa e kulpa di Samaria, ku ta bisa: 'Manera boso dios ta biba, O Dan,' i, 'Manera e kaminda di Beerseba ta biba,' nan lo kai i lo no lanta mas."