Read Papantla Totonac Jonas 2 Bible Online

Jonas 2 - Papantla Totonac bible

Jonas 2

¹E ora ei Jonas a hasi orashon na SENOR su Dios for di den barika di e piska.

²I el a bisa: "Den mi angustia mi a sklama na SENOR, i El a kontestami. For di e profundidat di Seol mi a sklama pa yudansa, i Bo a tende mi bos.

³Pasobra Bo a tirami den profundidat, te den kurason di e lamannan, i e awanan a rondonami. Tur Bo ondanan i Bo olanan a pasa riba mi.

⁴Pesei mi a bisa: 'Mi a wordu tira for di Bo bista. Sinembargo, lo mi hisa mi kara atrobe mira den direkshon di Bo tempel santu.'

⁵Awa a rondonami te menasa mi bida; e profundidat a sera ront di mi; yerba di laman tabata tur lora ront di mi kabes.

⁶Mi a baha yega te na e raisnan di e serunan. Tera ku su trankanan a rondonami pa semper; ma Abo a saka mi bida for di pos, O SENOR mi Dios.

⁷"Ora ku mi a sintimi ta desmaya, mi a korda riba SENOR; i mi orashon a yega serka Bo, te den Bo tempel santu.

⁸"Esnan ku ta venera idolonan sin balor ta bandona Esun ku tin miserikordia ku nan.

⁹Ma ami lo ofrese sakrifisio na Bo ku bos di gradisimentu. Lo mi kumpli ku mi promesa. Salbashon ta di SENOR."

¹⁰E ora ei SENOR a papia ku e piska, i e piska a saka Jonas bent'e riba tera seku.