Read Papantla Totonac Jonas 3 Bible Online

Jonas 3 - Papantla Totonac bible

Jonas 3

¹Awor e palabra di SENOR a yega na Jonas pa di dos biaha, bisando:

²"Lanta bai Ninive, e stat grandi, i proklama den dje e mensahe ku Mi ta bai dunabo."

³Asina Jonas a lanta bai Ninive, konforme e palabra di SENOR. Awor Ninive tabata un stat masha grandi mes; tabata tuma tres dia pa por a pasa dor di dje.

⁴Anto Jonas a kuminsa pasa dor di e stat riba e prome dia di kaminda; i el a predika i a bisa: "Aki kuarenta dia Ninive lo wordu destrui."

⁵E ora ei e hendenan di Ninive a kere den Dios, i nan a proklama un yunamentu i a bisti pana-di-saku, for di esun di mas haltu te na esun di mas umilde.

⁶Ora ku e rei di Ninive a hana e notisia, el a lanta for di su trono, a kita su mantel, a bisti pana-di-saku, i a bai sinta den shinishi.

⁷I el a saka un dekreto ku tabata bisa: "Den Ninive, pa e dekreto di rei i su nobelnan: "No laga ningun hende, ni bestia, ni baka, ni karne kome nada. No laga nan kome, ni bebe awa.

⁸Ma laga tantu hende komo bestia wordu tapa ku pana-di-saku; i laga hende sklama na Dios ku tur sinseridat, pa kada un bira for di su mal kaminda i for di e violensia ku tin den su man.

⁹Bo no sa nunka. Ainda Dios por bira i repenti, i kita Su rabia ardiente, asina ku nos lo no perese?"

¹⁰Ora Dios a mira nan echonan, ku nan a bira for di nan mal kaminda, e ora ei Dios a repenti di e kalamidat ku El a deklara ku E lo trese riba nan. I E no a hasie.