Read Papantla Totonac Numbernan 14 Bible Online

Numbernan 14 - Papantla Totonac bible

Numbernan 14

¹E ora ei henter e kongregashon a halsa bos i a grita, i e pueblo a yora e anochi ei.

²I tur e yunan di Israel tabata murmura kontra Moises i Aaron; i henter e kongregashon a bisa nan: "Miho nos a muri na tera di Egipto! Of miho nos a muri den e desierto aki!

³I pakiko SENOR ta trese nos na e tera aki pa nos muri pa medio di spada? Nos esposanan i nos yunan chikitu lo bira viktima; no ta miho nos bolbe Egipto?"

⁴Asina nan a bisa otro: "Laga nos nombra un lider i bolbe Egipto."

⁵E ora ei Moises i Aaron a tira nan kurpa abou ku nan kara te na suela den presensia di henter e asamblea di e kongregashon di e yunan di Israel.

⁶I Josue, yu homber di Nun, i Kaleb, yu homber di Jefone, di esnan ku a bai spiona e tera, a sker nan pananan;

⁷i nan a papia ku henter e kongregashon di e yunan di Israel, bisando: "E tera ku nos a pasa den pa spiona ta un tera sumamente bon.

⁸Si SENOR ta kontentu ku nos, e ora ei E lo hiba nos na e tera aki i duna nos e--un tera ku tin lechi i miel na abundansia.

⁹Solamente, no rebeldia kontra SENOR, i no tene miedu di e pueblo di e tera, pasobra nan ta nos pan. Nan protekshon a wordu kita for di nan, i SENOR ta ku nos; no tene miedu di nan."

¹⁰Ma henter e kongregashon a bisa pa piedra nan ku piedra. E ora ei e gloria di SENOR a parese den e tent di reunion na tur e yunan di Israel.

¹¹I SENOR a bisa Moises: "Kuantu tempu mas e pueblo aki lo despresiaMi? I kuantu tempu mas nan lo no kere den Mi, apesar di tur e senalnan ku Mi a hasi meimei di nan?

¹²Lo Mi dal nan ku pest i desereda nan, i lo Mi hasi abo un nashon mas grandi i mas poderoso ku nan."

¹³Ma Moises a bisa SENOR: "E ora ei e egipsionan lo tende di esaki, pasobra ta pa medio di Bo poder Bo a trese e pueblo aki for di meimei di nan,

¹⁴i nan lo konta esaki na e habitantenan di e tera aki. Nan a tende ku Abo, O SENOR, ta meimei di e pueblo aki, pasobra Abo, O SENOR, a wordu mira kara-kara, mientras ku Bo nubia ta para ofer di nan; i Abo ta bai nan dilanti, di dia den un pilar di nubia i anochi den un pilar di kandela.

¹⁵Awor si Bo mata e pueblo aki komo si fuera ta un homber so, e ora ei e nashonnan ku a tende di Bo fama lo bisa:

¹⁶'Ta pasobra SENOR no por a hiba e pueblo aki den e tera ku El a priminti nan bou di huramentu, pesei El a mata nan den desierto.'

¹⁷"Ma awor, Mi ta pidiBo, laga e poder di Senor ta grandi, meskos ku Bo a deklara:

¹⁸'SENOR no ta rabia lihe i ta abunda den miserikordia, i ta pordona inikidat i transgreshon; ma di ningun manera E lo no laga e kulpabel sali liber, ma ta bishita e inikidat di e tatanan riba e yunan te na e di tres i e di kuater generashon.'

¹⁹Mi ta pidiBo, pordona e inikidat di e pueblo aki konforme e grandesa di Bo miserikordia, meskos ku Bo a pordona e pueblo aki for di Egipto te awor."

²⁰I SENOR a bisa: "Mi a pordona nan konforme bo palabra;

²¹ma di berdat, manera Mi ta biba, henter e tera lo wordu yena ku e gloria di SENOR.

²²Siguramente tur e hombernan aki ku a mira Mi gloria i Mi senalnan, ku Mi a hasi den Egipto i den desierto, i ku sinembargo a poneMi na prueba e dies biahanan aki i no a skucha Mi bos,

²³di ningun manera lo mira e tera ku Mi a hura na nan tatanan, ni ningun di esnan ku a despresiaMi lo no mira esaki.

²⁴Ma Mi sirbido Kaleb, pa motibu ku e tin un spiritu diferente i a siguiMi kompletamente, lo Mi hiba na e tera ku el a drenta, i su desendientenan lo podera di dje.

²⁵Awor e amalekitanan i e kananeonan ta biba den e vayenan; bira bai bek manan i sali bai na e desierto pa e kaminda di Laman Kora."

²⁶I SENOR a papia ku Moises i Aaron, bisando:

²⁷"Te ki dia Mi tin ku soporta e kongregashon malbado aki ku ta murmura kontra Mi? Mi a tende e murmurashonnan ku e yunan di Israel ta murmura kontra Mi.

²⁸Bisa nan: 'Manera Mi ta biba,' SENOR ta bisa, 'meskos ku boso a papia pa Mi tende, asina lo Mi hasi ku boso sigur-sigur;

²⁹boso kadavernan lo kai den e desierto aki, tur boso hombernan konta, konforme boso kantidat kompleto for di binti ana p'ariba, kendenan a murmura kontra Mi.

³⁰Siguramente boso lo no bin den e tera kaminda Mi a hura di stablese boso, ku eksepshon di Kaleb, yu homber di Jefone, i Josue, yu homber di Nun.

³¹Sinembargo, boso yunan, di kendenan boso a bisa ku nan lo bira viktima—eseinan lo Mi hiba na e tera, i nan lo konose e tera ku boso a rechasa.

³²Ma pa loke ta boso, boso kadavernan lo kai den e desierto aki.

³³I boso yu hombernan lo ta wardado di karne den desierto pa kuarenta ana, i nan lo sufri pa motibu di boso infieldat te ora boso kadavernan kaba na nada den desierto.

³⁴Konforme e kantidat di dia ku boso a spiona e tera, esta, kuarenta dia, boso lo karga boso inikidat kuarenta ana, un ana pa kada dia, i boso lo konose Mi oposishon.

³⁵Ami, SENOR, a papia; siguramente esaki ta loke Mi ta bai hasi ku henter e kongregashon malbado aki ku a reuni kontra Mi. Den e desierto aki nan lo wordu destrui, i aya nan lo muri.'"

³⁶Pa loke ta e hombernan ku Moises a manda pa spiona e tera i ku a bolbe i ku a hasi henter e kongregashon murmura kontra dje dor di trese un mal reportahe tokante di e tera,

³⁷e hombernan ei, ku a trese e mal reportahe di e tera, a muri dor di un plaga, dilanti di SENOR.

³⁸Ma di e hendenan ei ku a bai spiona e tera ta Josue, yu homber di Nun, i Kaleb, yu homber di Jefone, so a keda na bida.

³⁹I ora Moises a kaba di papia e palabranan aki ku tur e yunan di Israel, e pueblo a lamenta masha tantu mes.

⁴⁰Sinembargo, nan a lanta mainta tempran i a subi bai na kabes di e seru, bisando: "Ata nos aki; di berdat, nos a peka, ma nos lo subi bai na e luga ku SENOR a priminti."

⁴¹Ma Moises a bisa: "Pakiko anto boso ta transgresa e mandamentu di SENOR? (Siendo ku esaki lo no logra!)

⁴²No subi bai, pa boso enemigunan no derota boso, pasobra SENOR no ta meimei di boso.

⁴³Pasobra e amalekitanan i e kananeonan lo ta ayanan boso dilanti i boso lo muri pa medio di spada, komo ku boso a bira bai i a stop di sigui SENOR. I SENOR lo no ta ku boso."

⁴⁴Ma nan a riska subi bai na kabes di e seru; ni e arka di aliansa di SENOR ni Moises no a bandona e kampamentu.

⁴⁵E ora ei e amalekitanan i e kananeonan, ku tabata biba den e serunan ei, a baha bin i a derota nan i a persigui nan te na Horma.