Read Papantla Totonac Numbernan 17 Bible Online

Numbernan 17 - Papantla Totonac bible

Numbernan 17

¹E ora ei SENOR a papia ku Moises, bisando:

²"Papia ku e yunan di Israel i tuma for di nan un bara pa e hendenan di e kas di kada tata: diesdos bara, for di tur nan lidernan segun e hendenan di e kasnan di nan tatanan. Skirbi kada un su nomber riba su bara,

³i skirbi Aaron su nomber riba e bara di Levi, pasobra mester tin un bara pa e kabes di kada un di e kasnan di nan tatanan.

⁴E ora ei bo mester pone nan den e tent di reunion dilanti di e testimonio, kaminda Mi ta reuni ku boso.

⁵I lo sosode ku bara di e homber ku Mi ta bai skohe lo spreit. Asina lo Mi kita for di Mi dilanti e murmuramentu di e yunan di Israel, kendenan ta murmura kontra boso."

⁶Pesei Moises a papia ku e yunan di Israel i tur nan lidernan; kada un a dun'e un bara, pa kada lider segun e hendenan di e kasnan di nan tatanan, diesdos bara, ku e bara di Aaron entre nan baranan.

⁷Asina Moises a pone e baranan dilanti di SENOR den e tent di testimonio.

⁸Awor a sosode ku su manise Moises a bai den e tent di testimonio; i mira, e bara di Aaron, pa e kas di Levi, a spreit i a saka konopi i a duna flor, i tabata karga amandel hechu.

⁹E ora ei Moises a saka tur e baranan for di den e presensia di SENOR duna tur e yunan di Israel, i nan a mira esaki, i kada homber a kohe su bara.

¹⁰Ma SENOR a bisa Moises: "Pone e bara di Aaron bek dilanti di e testimonio pa e keda komo un senal kontra e rebeldenan, pa bo pone un fin na nan murmuramentu kontra Mi, pa nan no muri."

¹¹Asina Moises a hasi; meskos ku SENOR a orden'e, asina el a hasi.

¹²I e yunan di Israel a papia ku Moises, bisando: "Mira, nos ta perese, nos ta bai muri, nos tur ta bai muri!

¹³Tur ku yega serka, ku yega serka di e tabernakel di SENOR, mester muri. Ta nos tur mester perese?"