Read Papantla Totonac Numbernan 2 Bible Online

Numbernan 2 - Papantla Totonac bible

Numbernan 2

¹Awor SENOR a papia ku Moises i Aaron, bisando:

²"E yunan di Israel mester kampa, kada un bou di su mes emblema, ku e banderanan di e hendenan di e kasnan di nan tatanan; nan mester kampa ront di e tent di reunion, na un distansia.

³"Awor esnan ku ta kampa na e banda pariba, den direkshon di kaminda solo ta sali, mester ta bou di bandera di e kampamentu di Juda, segun nan ehersitonan, i e lider di e yu hombernan di Juda: Nason, yu homber di Aminadab,

⁴i su ehersito, nan hombernan konta, 74.600.

⁵I esnan ku ta kampa banda di dje mester ta e tribu di Isakar, i e lider di e yu hombernan di Isakar: Natanael, yu homber di Zuar,

⁶i su ehersito, nan hombernan konta, 54.400.

⁷Despues ta sigui e tribu di Zabulon, i e lider di e yu hombernan di Zabulon: Eliab, yu homber di Helon,

⁸i su ehersito, su hombernan konta, 57.400.

⁹E total di e hombernan konta di e kampamentu di Juda: 186.400, segun nan ehersitonan. Nan mester sali bai prome.

¹⁰"Na e banda pasuit e emblema di e kampamentu di Ruben mester ta, segun nan ehersitonan, i e lider di e yu hombernan di Ruben: Elisur, yu homber di Sedeur,

¹¹i su ehersito, nan hombernan konta, 46.500.

¹²I esnan ku ta kampa banda di dje mester ta e tribu di Simeon, i e lider di e yu hombernan di Simeon: Selumiel, yu homber di Zurisadai,

¹³i su ehersito, nan hombernan konta, 59.300.

¹⁴Despues ta sigui e tribu di Gad, i e lider di e yu hombernan di Gad: Eliasaf, yu homber di Deuel,

¹⁵i su ehersito, nan hombernan konta, 45.650.

¹⁶E total di e hombernan konta di e kampamentu di Ruben: 151.450, segun nan ehersitonan. I nan mester sali bai na di dos luga.

¹⁷"E ora ei e tent di reunion mester sali bai huntu ku e kampamentu di e levitanan meimei di e kampamentunan; meskos ku nan ta kampa, asina nan mester sali bai, kada homber na su luga, bou di nan emblemanan.

¹⁸"Na e banda pabou e emblema di e kampamentu di Efrain mester ta, segun nan ehersitonan, i e lider di e yu hombernan di Efrain lo ta Elisama, yu homber di Amiud,

¹⁹i su ehersito, nan hombernan konta, 40.500.

²⁰I banda di dje e tribu di Manases lo ta, i e lider di e yu hombernan di Manases: Gamaliel, yu homber di Pedasur,

²¹i su ehersito, nan hombernan konta, 32.200.

²²Despues ta sigui e tribu di Benjamin i e lider di e yu hombernan di Benjamin: Abidan, yu homber di Gideoni,

²³i su ehersito, nan hombernan konta, 35.400.

²⁴E total di e hombernan konta di e kampamentu di Efrain: 108.100, segun nan ehersitonan. I nan mester sali bai na di tres luga.

²⁵"Na e banda panort e emblema di e kampamentu di Dan mester ta, segun nan ehersitonan, i e lider di e yu hombernan di Dan: Ahiezer, yu homber di Amisadai,

²⁶i su ehersito, nan hombernan konta, 62.700.

²⁷I esnan ku ta kampa banda di dje mester ta e tribu di Aser, i e lider di e yu hombernan di Aser: Pagiel, yu homber di Okran,

²⁸i su ehersito, nan hombernan konta, 41.500.

²⁹Despues ta sigui e tribu di Neftali, i e lider di e yu hombernan di Neftali: Ahira, yu homber di Enan,

³⁰i su ehersito, nan hombernan konta, 53.400.

³¹E total di e hombernan konta di e kampamentu di Dan tabata 157.600. Nan mester sali bai ultimo bou di nan emblemanan."

³²Esakinan ta e hombernan konta di e yunan di Israel, segun e hendenan di e kasnan di nan tatanan; e total di e hombernan konta di e kampamentunan, segun nan ehersitonan, tabata 603.550.

³³Sinembargo, e levitanan no a wordu konta entre e yunan di Israel, meskos ku SENOR a ordena Moises.

³⁴Asina e yunan di Israel a hasi; konforme tur loke SENOR a ordena Moises, asina nan a kampa bou di nan emblemanan, i asina nan a sali bai, kada un segun su famia, segun e hendenan di e kas di su tata.