Read Papantla Totonac Numbernan 26 Bible Online

Numbernan 26 - Papantla Totonac bible

Numbernan 26

¹E ora ei a sosode ku despues di e plaga SENOR a papia ku Moises i Eleazar, yu homber di saserdote Aaron, bisando:

²"Tuma un senso di henter e kongregashon di e yunan di Israel, for di binti ana p'ariba, segun e hendenan di e kasnan di nan tatanan, tur ku por sali pa bai guera na Israel."

³Asina Moises i saserdote Eleazar a papia ku nan den e sabananan di Moab banda di Jordan na Jeriko, bisando:

⁴"Tuma un senso di e pueblo for di binti ana p'ariba, manera SENOR a ordena Moises." Awor e yunan di Israel ku a sali for di tera di Egipto tabata:

⁵Ruben, Israel su primogenito; e yu hombernan di Ruben: di Hanok, e famia di e hanokitanan; di Palu, e famia di e paluitanan;

⁶di Hezron, e famia di e hezronitanan; di Karmi, e famia di e karmitanan.

⁷Esakinan ta e famianan di e rubenitanan, i esnan di nan ku a wordu konta tabata 43.730.

⁸I e yu homber di Palu: Eliab.

⁹I e yu hombernan di Eliab: Nemuel, Datan i Abiram. Esakinan ta e Datan i Abiram ku a wordu yama dor di e kongregashon, ku a rebeldia kontra Moises i kontra Aaron den e grupo di Kore, dia ku nan a rebeldia kontra SENOR;

¹⁰i tera a habri su boka traga nan huntu ku Kore, dia ku e grupo ei a muri, dia ku kandela a devora dos shent'i sinkuenta homber, asina ku nan a bira un spiertamentu.

¹¹Sinembargo, e yu hombernan di Kore si no a muri.

¹²E yu hombernan di Simeon, segun nan famianan: di Nemuel, e famia di e nemuelitanan; di Jamin, e famia di e jaminitanan; di Jakin, e famia di e jakinitanan;

¹³di Zera, e famia di e zeraitanan; di Saul, e famia di e saulitanan.

¹⁴Esakinan ta e famianan di e simeonitanan, 22.200.

¹⁵E yu hombernan di Gad, segun nan famianan: di Zefon, e famia di e zefonitanan; di Hagui, e famia di e haguitanan; di Suni, e famia di e sunitanan;

¹⁶di Ozni, e famia di e oznitanan; di Eri, e famia di e eritanan;

¹⁷di Arod, e famia di e aroditanan; di Areli, e famia di e arelitanan.

¹⁸Esakinan ta e famianan di e yu hombernan di Gad, segun esnan di nan ku a wordu konta, 40.500.

¹⁹E yu hombernan di Juda tabata Er i Onan, ma Er i Onan a muri na tera di Kanaan.

²⁰I e yu hombernan di Juda, segun nan famianan, tabata: di Sela, e famia di e selaitanan; di Fares, e famia di e faresitanan; di Zera, e famia di e zeraitanan.

²¹I e yu hombernan di Fares tabata: di Hezron, e famia di e hezronitanan; di Hamul, e famia di e hamulitanan.

²²Esakinan ta e famianan di Juda, segun esnan di nan ku a wordu konta, 76.500.

²³E yu hombernan di Isakar, segun nan famianan: di Tola, e famia di e tolaitanan; di Pua, e famia di e punitanan;

²⁴di Jasub, e famia di e jasubitanan; di Simron, e famia di e simronitanan.

²⁵Esakinan ta e famianan di Isakar, segun esnan di nan ku a wordu konta, 64.300.

²⁶E yu hombernan di Zabulon, segun nan famianan: di Sered, e famia di e sereditanan; di Elon, e famia di e elonitanan; di Jaleel, e famia di e jaleelitanan.

²⁷Esakinan ta e famianan di e zabulonitanan, segun esnan di nan ku a wordu konta, 60.500.

²⁸E yu hombernan di Jose, segun nan famianan: Manases i Efrain.

²⁹E yu hombernan di Manases: di Makir, e famia di e makiritanan; i Makir a engendra Galaad: di Galaad, e famia di e galaaditanan.

³⁰Esakinan ta e yu hombernan di Galaad: di Jezer, e famia di e jezeritanan; di Helek, e famia di e helekitanan;

³¹i di Asriel, e famia di e asrielitanan; di Sikem, e famia di e sikemitanan;

³²i di Semida, e famia di e semidaitanan; di Hefer, e famia di e heferitanan.

³³Awor Zelofehad, yu homber di Hefer, no tabatin yu homber, sino yu muhe so; i nomber di e yu muhenan di Zelofehad tabata Mala, Noa, Hogla, Milka i Tirsa.

³⁴Esakinan ta e famianan di Manases; i esnan di nan ku a wordu konta tabata 52.700.

³⁵Esakinan ta e yu hombernan di Efrain, segun nan famianan: di Sutela, e famia di e sutelaitanan; di Beker, e famia di e bekeritanan; di Tahan, e famia di e tahanitanan.

³⁶I esakinan ta e yu hombernan di Sutela: di Eran, e famia di e eranitanan.

³⁷Esakinan ta e famianan di e yu hombernan di Efrain, segun esnan di nan ku a wordu konta, 32.500. Esakinan ta e yu hombernan di Jose, segun nan famianan.

³⁸E yu hombernan di Benjamin, segun nan famianan: di Bela, e famia di e belaitanan; di Asbel, e famia di e asbelitanan; di Ahiram, e famia di e ahiramitanan;

³⁹di Sufam, e famia di e sufamitanan; di Hufam, e famia di e hufamitanan.

⁴⁰I e yu hombernan di Bela tabata Ard i Naaman: di Ard, e famia di e arditanan; di Naaman, e famia di e naamitanan.

⁴¹Esakinan ta e yu hombernan di Benjamin, segun nan famianan; i esnan di nan ku a wordu konta tabata 45.600.

⁴²Esakinan ta e yu hombernan di Dan, segun nan famianan: di Suham, e famia di e suhamitanan. Esakinan ta e famianan di Dan, segun nan famianan.

⁴³Tur e famianan di e suhamitanan, segun esnan di nan ku a wordu konta, tabata 64.400.

⁴⁴E yu hombernan di Aser, segun nan famianan: di Imna, e famia di e imnitanan; di Isui, e famia di e isuitanan; di Beria, e famia di e beriaitanan.

⁴⁵Di e yu hombernan di Beria: di Heber, e famia di e heberitanan; di Malkiel, e famia di e malkielitanan.

⁴⁶I nomber di e yu muhe di Aser tabata Sera.

⁴⁷Esakinan ta e famianan di e yu hombernan di Aser, segun esnan di nan ku a wordu konta, 53.400.

⁴⁸E yu hombernan di Neftali, segun nan famianan: di Jahzeel, e famia di e jahzeelitanan; di Guni, e famia di e gunitanan;

⁴⁹di Jezer, e famia di e jezeritanan; di Silem, e famia di e silemitanan.

⁵⁰Esakinan ta e famianan di Neftali, segun nan famianan; i esnan di nan ku a wordu konta tabata 45.400.

⁵¹Esakinan ta esnan ku a wordu konta di e yunan di Israel, 601.730.

⁵²E ora ei SENOR a papia ku Moises, bisando:

⁵³"Entre esakinan e tera lo wordu dividi komo erensia, segun e kantidat di nombernan.

⁵⁴Pa e grupo mas grandi lo bo oumenta nan erensia, i pa e grupo mas chikitu lo bo redusi nan erensia; kada un mester risibi su erensia segun esnan di nan ku a wordu konta.

⁵⁵Ma e tera mester wordu dividi pa medio di lot. Nan mester risibi nan erensia segun e nombernan di e tribunan di nan tatanan.

⁵⁶Konforme e selekshon pa medio di lot nan erensia mester wordu dividi entre e gruponan mas grandi i mas chikitu."

⁵⁷I esakinan ta esnan ku a wordu konta di e levitanan, segun nan famianan: di Gerson, e famia di e gersonitanan; di Koat, e famia di e koatitanan; di Merari, e famia di e meraritanan.

⁵⁸Esakinan ta e famianan di Levi: e famia di e libnitanan, e famia di e hebronitanan, e famia di e malitanan, e famia di e musitanan, e famia di e koreitanan. I Koat a engendra Amram.

⁵⁹I nomber di Amram su esposa tabata Jokabed, yu muhe di Levi, ku a nase pa Levi na Egipto; i el a hana pa Amram: Aaron, Moises i nan ruman muhe Miriam.

⁶⁰I Aaron a engendra Nadab, Abiu, Eleazar i Itamar.

⁶¹Ma Nadab i Abiu a muri ora nan tabata ofrese kandela strano dilanti di SENOR.

⁶²I esnan di nan ku a wordu konta tabata 23.000, tur hende homber for di un luna p'ariba, pasobra nan no a wordu konta entre e yunan di Israel, komo ku nan no a risibi erensia entre e yunan di Israel.

⁶³Esakinan ta esnan ku Moises i saserdote Eleazar a konta, kendenan a konta e yunan di Israel den e sabananan di Moab banda di Jordan na Jeriko.

⁶⁴Ma entre esakinan no tabatin ni un homber di esnan ku Moises i saserdote Aaron a konta, kendenan a konta e yunan di Israel den e desierto di Sinai.

⁶⁵Pasobra SENOR a bisa di nan: "Siguramente nan lo muri den desierto." I di nan no a keda ni un homber, ku eksepshon di Kaleb, yu homber di Jefone, i Josue, yu homber di Nun.