Read Papantla Totonac Numbernan 29 Bible Online

Numbernan 29 - Papantla Totonac bible

Numbernan 29

¹'Awor den e di shete luna, riba e prome dia di e luna, boso mester tene tambe un konvokashon santu; no hasi ningun trabou pisa. Esaki mester ta pa boso un dia di toka trompet.

²I ofrese un ofrenda kima komo un holo dushi na SENOR: un bishe machu, un karne chubatu i shete lamchi machu di un ana, sin defekto;

³tambe nan ofrenda di mainshi: harina fini meskla ku zeta, tres desimo parti di un efa pa e bishe machu, dos desimo parti pa e karne chubatu,

⁴i un desimo parti pa kada un di e shete lamchinan.

⁵I ofrese un kabritu chubatu komo un ofrenda pa pika, pa hasi ekspiashon pa boso,

⁶ademas di e ofrenda kima di luna nobo ku su ofrenda di mainshi i e ofrenda kima kontinuo ku su ofrenda di mainshi, i nan ofrendanan di bibida, konforme nan ordenansa, komo un holo dushi, un ofrenda di kandela na SENOR.

⁷'I riba e di dies dia di e di shete luna aki boso mester tene un konvokashon santu i boso mester umiya boso mes; no hasi ningun trabou.

⁸I presenta un ofrenda kima komo un holo dushi na SENOR: un bishe machu, un karne chubatu i shete lamchi di un ana, sin defekto;

⁹i nan ofrenda di mainshi: harina fini meskla ku zeta, tres desimo parti di un efa pa e bishe machu, dos desimo parti pa esun karne chubatu,

¹⁰un desimo parti pa kada un di e shete lamchinan;

¹¹un kabritu chubatu komo un ofrenda pa pika, ademas di e ofrenda pa pika di ekspiashon, i e ofrenda kima kontinuo ku su ofrenda di mainshi i nan ofrendanan di bibida.

¹²'I riba e di diesinku dia di e di shete luna boso mester tene un konvokashon santu; no hasi ningun trabou pisa, i selebra un fiesta na SENOR shete dia largu.

¹³I presenta un ofrenda kima, un ofrenda di kandela komo un holo dushi na SENOR: diestres bishe machu, dos karne chubatu, dieskuater lamchi machu di un ana ku ta sin defekto,

¹⁴i nan ofrenda di mainshi: harina fini meskla ku zeta, tres desimo parti di un efa pa kada un di e diestres bishenan machu, dos desimo parti pa kada un di e dos karnenan chubatu,

¹⁵i un desimo parti pa kada un di e dieskuater lamchinan;

¹⁶i un kabritu chubatu komo un ofrenda pa pika, ademas di e ofrenda kima kontinuo, su ofrenda di mainshi ku su ofrenda di bibida.

¹⁷'I riba e di dos dia: diesdos bishe machu, dos karne chubatu, dieskuater lamchi machu di un ana, sin defekto;

¹⁸i nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

¹⁹i un kabritu chubatu komo un ofrenda pa pika, ademas di e ofrenda kima kontinuo ku su ofrenda di mainshi, i nan ofrendanan di bibida.

²⁰'I riba e di tres dia: diesun bishe machu, dos karne chubatu, dieskuater lamchi machu di un ana, sin defekto;

²¹i nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

²²i un kabritu chubatu komo un ofrenda pa pika, ademas di e ofrenda kima kontinuo ku su ofrenda di mainshi i su ofrenda di bibida.

²³'I riba e di kuater dia: dies bishe machu, dos karne chubatu, dieskuater lamchi machu di un ana, sin defekto;

²⁴nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

²⁵i un kabritu chubatu komo un ofrenda pa pika, ademas di e ofrenda kima kontinuo, su ofrenda di mainshi i su ofrenda di bibida.

²⁶'I riba e di sinku dia: nuebe bishe machu, dos karne chubatu, dieskuater lamchi machu di un ana, sin defekto;

²⁷i nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

²⁸i un kabritu chubatu komo un ofrenda pa pika, ademas di e ofrenda kima kontinuo ku su ofrenda di mainshi i su ofrenda di bibida.

²⁹'I riba e di seis dia: ocho bishe machu, dos karne chubatu, dieskuater lamchi machu di un ana, sin defekto;

³⁰i nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

³¹i un kabritu chubatu komo un ofrenda pa pika, ademas di e ofrenda kima kontinuo, su ofrenda di mainshi ku su ofrendanan di bibida.

³²'I riba e di shete dia: shete bishe machu, dos karne chubatu, dieskuater lamchi machu di un ana, sin defekto;

³³i nan ofrenda di mainshi ku nan ofrendanan di bibida pa e bishenan machu, pa e karnenan chubatu i pa e lamchinan, segun nan kantidat, konforme e ordenansa;

³⁴i un kabritu chubatu komo un ofrenda pa pika, ademas di e ofrenda kima kontinuo, su ofrenda di mainshi ku su ofrenda di bibida.

³⁵'I riba e di ocho dia boso mester tene un reunion solem; boso no mag hasi ningun trabou pisa.

³⁶Ma boso mester presenta un ofrenda kima, un ofrenda di kandela, komo un holo dushi na SENOR: un bishe machu, un karne chubatu, shete lamchi machu di un ana, sin defekto;

³⁷nan ofrenda di mainshi ku nan ofrendanan di bibida pa e bishe machu, pa e karne chubatu i pa e lamchinan, segun nan kantidat, konforme e ordenansa;

³⁸i un kabritu chubatu komo un ofrenda pa pika, ademas di e ofrenda kima kontinuo i su ofrenda di mainshi ku su ofrenda di bibida.

³⁹'Boso mester presenta esakinan na SENOR na boso tempunan stipula, ademas di boso ofrendanan di promesa i boso ofrendanan boluntario, pa boso ofrendanan kima, pa boso ofrendanan di mainshi, pa boso ofrendanan di bibida i pa boso ofrendanan di pas.'"

⁴⁰I Moises a papia ku e yunan di Israel konforme tur loke SENOR a ordena Moises.