Read Papantla Totonac Numbernan 32 Bible Online

Numbernan 32 - Papantla Totonac bible

Numbernan 32

¹Awor e yu hombernan di Ruben i e yu hombernan di Gad tabatin un kantidat sumamente grandi di bestia di kria. I ora nan a mira tera di Jazer i tera di Galaad, ku di berdat esaki tabata un luga masha bon pa bestia di kria,

²e yu hombernan di Gad i e yu hombernan di Ruben a bin i a papia ku Moises i saserdote Eleazar, i ku e lidernan di e kongregashon, bisando:

³"Atarot, Dibon, Jazer, Nimra, Hesbon, Eleale, Sebam, Nebo i Beon,

⁴e tera ku SENOR a konkista dilanti di e kongregashon di Israel, ta un tera pa bestia di kria, i bo sirbidonan tin bestia di kria."

⁵I nan a bisa: "Si nos a hana grasia den bo bista, laga e tera aki wordu duna na bo sirbidonan komo un poseshon; no hiba nos na e otro banda di Jordan."

⁶Ma Moises a bisa e yu hombernan di Gad i e yu hombernan di Ruben: "Boso rumannan mester bai guera, mientras ku boso mes ta keda sinta aki?

⁷Awor ta pakiko boso ta deskurasha e yunan di Israel di krusa bai na e tera ku SENOR a duna nan?

⁸Asina boso tatanan a hasi ora mi a manda nan for di Kades-barnea pa bai wak e tera.

⁹Pasobra ora nan a bai na e vaye di Eskol i a mira e tera, nan a deskurasha e yunan di Israel, asina ku nan no a bai na e tera ku SENOR a duna nan.

¹⁰Pesei SENOR Su rabia a kima e dia ei, i El a hura, bisando:

¹¹'Ningun di e hombernan ku a sali for di Egipto, for di binti ana p'ariba, lo no mira e tera ku Mi a hura di duna Abraham, Isaak i Jakob, pasobra nan no a siguiMi kompletamente,

¹²ku eksepshon di Kaleb, yu homber di Jefone e kenezeo, i Josue, yu homber di Nun, pasobra nan si a sigui SENOR kompletamente.'

¹³Pesei SENOR Su rabia a kima kontra Israel, i El a hasi nan kana dwal den desierto kuarenta ana largu, te ora ku henter e generashon di esnan ku a hasi maldat den bista di SENOR a keda destrui.

¹⁴"Awor mira, boso ta para na luga di boso tatanan, un set di homber pekaminoso, pa anadi mas ainda na e rabia ardiente di SENOR kontra Israel.

¹⁵Pasobra si boso bira bai i stop di siguié, E lo bandona nan un biaha mas den desierto, i boso lo destrui henter e pueblo aki."

¹⁶E ora ei nan a aserk'e i a bisa: "Aki nos lo traha kuranan pa nos bestianan di kria i statnan pa nos yu chikitunan,

¹⁷ma nos mes lo ta arma, kla pa sali dilanti di e yunan di Israel, te ora nos a hiba nan na nan luga, mientras ku nos yu chikitunan ta biba den e statnan fortifika pa motibu di e habitantenan di e tera.

¹⁸Nos no ta bolbe nos kasnan te ora kada un di e yunan di Israel a risibi su erensia.

¹⁹Pasobra nos lo no risibi un erensia huntu ku nan na e otro banda di Jordan i mas aleu, pasobra nos a hana nos erensia na e banda aki di Jordan, parti pariba."

²⁰Asina Moises a bisa nan: "Si boso hasi esaki, si boso arma boso mes dilanti di SENOR pa guera,

²¹i tur di boso, hombernan arma, krusa Jordan dilanti di SENOR te ora ku El a kore ku Su enemigunan for di Su dilanti,

²²i e tera keda someti dilanti di SENOR, e ora ei boso lo bolbe despues i keda liber di obligashon pa ku SENOR i pa ku Israel, i e tera aki lo ta di boso komo un propiedat dilanti di SENOR.

²³"Ma si boso no hasi asina, mira, boso a peka kontra SENOR, i sea sigur ku boso pika lo alkansa boso.

²⁴Traha pa boso mes statnan pa boso yu chikitunan i kuranan pa boso karnenan, i hasi loke boso a priminti."

²⁵I e yu hombernan di Gad i e yu hombernan di Ruben a papia ku Moises, bisando: "Bo sirbidonan lo hasi meskos ku mi senor a ordena.

²⁶Nos yu chikitunan, nos esposanan, nos tounan di bestia chikitu i tur nos bakanan lo keda ayanan den e statnan di Galaad,

²⁷mientras ku bo sirbidonan, tur ku ta arma pa bai guera, lo krusa bai den e presensia di SENOR pa drenta bataya, meskos ku mi senor ta bisa."

²⁸Asina Moises a duna ordu tokante di nan na saserdote Eleazar, na Josue, yu homber di Nun, i na e kabesnan di e kasnan di e tatanan di e tribunan di e yunan di Israel.

²⁹I Moises a bisa nan: "Si e yu hombernan di Gad i e yu hombernan di Ruben, tur ku ta arma pa drenta bataya, krusa Jordan huntu ku boso den e presensia di SENOR, i e tera keda someti dilanti di boso, e ora ei boso lo duna nan tera di Galaad komo propiedat;

³⁰ma si nan no krusa arma huntu ku boso, nan lo hana propiedatnan meimei di boso na tera di Kanaan."

³¹I e yu hombernan di Gad i e yu hombernan di Ruben a kontesta, bisando: "Manera SENOR a bisa bo sirbidonan, asina nos lo hasi.

³²Nos mes lo krusa arma den e presensia di SENOR bai tera di Kanaan, i e propiedat di nos erensia lo keda pa nos na e otro banda di Jordan."

³³Asina Moises a duna nan, esta, e yu hombernan di Gad i e yu hombernan di Ruben i e mitar tribu di Manases, yu homber di Jose, e reino di Sehon, rei di e amoreonan, i e reino di Og, rei di Basan, e tera huntu ku su statnan i teritorionan, e statnan di e tera tur ront.

³⁴I e yu hombernan di Gad a traha Dibon, Atarot, Aroer,

³⁵i Atarot-sofan, Jazer, Jogbeha,

³⁶i Bet-nimra i Bet-aran komo statnan fortifika i komo kuranan pa karne.

³⁷I e yu hombernan di Ruben a traha Hesbon, Eleale, Kiriataim,

³⁸i Nebo, Baal-meon (e nombernan aki a wordu kambia) i Sibma, i nan a duna otro nomber na e statnan ku nan a traha.

³⁹I e yu hombernan di Makir, yu homber di Manases, a bai Galaad i a podera di dje, i a saka e amoreonan, ku tabata den dje, afo.

⁴⁰Asina Moises a duna Galaad na Makir, yu homber di Manases, i el a bai biba den dje.

⁴¹I Jair, yu homber di Manases, a bai i a podera di e statnan chikitu di Galaad, i a yama nan statnan di Jair.

⁴²I Noba a bai i a podera di Kenat ku su pueblitonan, i a yam'e Noba, konforme su mes nomber.