Read Papantla Totonac Numbernan 33 Bible Online

Numbernan 33 - Papantla Totonac bible

Numbernan 33

¹Esakinan ta e biahenan di e yunan di Israel, kendenan a sali for di tera di Egipto segun nan ehersitonan, bou di guia di Moises i Aaron.

²I Moises a rekorda nan luganan di salida konforme nan biahenan, segun e ordu di SENOR. I esakinan ta nan biahenan konforme nan luganan di salida.

³I nan a biaha for di Rameses den e prome luna, riba e di diesinku dia di e prome luna; e dia siguiente, despues di Pasku, e yunan di Israel a sali bai ku tur konfiansa den bista di tur e egipsionan,

⁴mientras ku e egipsionan tabata dera tur nan primogenitonan ku SENOR a mata meimei di nan. Tambe SENOR a ehekuta huisio riba nan diosnan.

⁵E ora ei e yunan di Israel a biaha for di Rameses, i a kampa na Sukot.

⁶I nan a biaha for di Sukot i a kampa na Etam, ku ta keda na rant di e desierto.

⁷I nan a biaha for di Etam i a bira bek bai Pi-hahirot, ku ta keda dilanti di Baal-zefon; i nan a kampa dilanti di Migdol.

⁸I nan a biaha for di Pi-hahirot i a pasa meimei di laman bai den desierto; i nan a hasi un biahe di tres dia den e desierto di Etam i a kampa na Mara.

⁹I nan a biaha for di Mara i a yega Elim; i na Elim tabatin diesdos fuente di awa i setenta palma; i nan a kampa ayanan.

¹⁰I nan a biaha for di Elim i a kampa banda di Laman Kora.

¹¹I nan a biaha for di Laman Kora i a kampa den e desierto di Sin.

¹²I nan a biaha for di e desierto di Sin i a kampa na Dofka.

¹³I nan a biaha for di Dofka i a kampa na Alus.

¹⁴I nan a biaha for di Alus i a kampa na Refidim; awor ta ayanan e pueblo no tabatin awa pa bebe.

¹⁵I nan a biaha for di Refidim i a kampa den e desierto di Sinai.

¹⁶I nan a biaha for di e desierto di Sinai i a kampa na Kibrot-hataava.

¹⁷I nan a biaha for di Kibrot-hataava i a kampa na Hazerot.

¹⁸I nan a biaha for di Hazerot i a kampa na Ritma.

¹⁹I nan a biaha for di Ritma i a kampa na Rimon-peres.

²⁰I nan a biaha for di Rimon-peres i a kampa na Libna.

²¹I nan a biaha for di Libna i a kampa na Risa.

²²I nan a biaha for di Risa i a kampa na Keelata.

²³I nan a biaha for di Keelata i a kampa na Seru Sefer.

²⁴I nan a biaha for di Seru Sefer i a kampa na Harada.

²⁵I nan a biaha for di Harada i a kampa na Makelot.

²⁶I nan a biaha for di Makelot i a kampa na Tahat.

²⁷I nan a biaha for di Tahat i a kampa na Tara.

²⁸I nan a biaha for di Tara i a kampa na Mitka.

²⁹I nan a biaha for di Mitka i a kampa na Hasmona.

³⁰I nan a biaha for di Hasmona i a kampa na Moserot.

³¹I nan a biaha for di Moserot i a kampa na Bene-jaakan.

³²I nan a biaha for di Bene-jaakan i a kampa na Hor-gidgad.

³³I nan a biaha for di Hor-gidgad i a kampa na Jotbata.

³⁴I nan a biaha for di Jotbata i a kampa na Abrona.

³⁵I nan a biaha for di Abrona i a kampa na Ezion-geber.

³⁶I nan a biaha for di Ezion-geber i a kampa den e desierto di Zin, esta Kades.

³⁷I nan a biaha for di Kades i a kampa na Seru Hor, na frontera di tera di Edom.

³⁸E ora ei saserdote Aaron a subi bai Seru Hor riba ordu di SENOR, i a muri ayanan, den e di kuarenta ana despues ku e yunan di Israel a bin for di tera di Egipto riba e prome dia di e di sinku luna.

³⁹I Aaron tabatin 123 ana dia ku el a muri riba Seru Hor.

⁴⁰Awor e kananeo, rei di Arad, ku tabata biba na Negev, na tera di Kanaan, a tende di e binida di e yunan di Israel.

⁴¹E ora ei nan a biaha for di Seru Hor i a kampa na Zalmona.

⁴²I nan a biaha for di Zalmona i a kampa na Punon.

⁴³I nan a biaha for di Punon i a kampa na Obot.

⁴⁴I nan a biaha for di Obot i a kampa na Iye-abarim, na frontera di Moab.

⁴⁵I nan a biaha for di Iye-abarim i a kampa na Dibon-gad.

⁴⁶I nan a biaha for di Dibon-gad i a kampa na Almon-diblataim.

⁴⁷I nan a biaha for di Almon-diblataim i a kampa den e serunan di Abarim, dilanti di Nebo.

⁴⁸I nan a biaha for di e serunan di Abarim i a kampa den e sabananan di Moab banda di Jordan, enfrente di Jeriko.

⁴⁹I nan a kampa banda di Jordan, for di Bet-jesimot te na Abel-sitim den e sabananan di Moab.

⁵⁰E ora ei SENOR a papia ku Moises den e sabananan di Moab banda di Jordan, enfrente di Jeriko, bisando:

⁵¹"Papia ku e yunan di Israel i bisa nan: 'Ora boso krusa Jordan bai tera di Kanaan,

⁵²boso mester kore ku tur e habitantenan di e tera for di boso dilanti, i destrui tur nan figuranan di piedra, i destrui tur nan imagennan basha i basha tur nan luganan haltu abou;

⁵³i boso mester podera di e tera i biba den dje, pasobra Mi a duna boso e tera ei pa boso tum'e pa boso.

⁵⁴I boso mester ereda e tera pa medio di lot segun boso famianan; esnan mas grandi boso mester duna mas erensia i esnan mas chikitu boso mester duna menos erensia. Kaminda lot kai pa kada un, esei lo ta di dje. Boso mester ereda konforme e tribunan di boso tatanan.

⁵⁵'Ma si boso no kore ku e habitantenan di e tera saka nan for di boso dilanti, e ora ei esnan ku boso a laga keda lo ta manera nano den boso wowo i manera sumpina den boso kustia, i nan lo afligi boso den e tera ku boso ta biba aden.

⁵⁶I lo sosode ku manera Mi tin pensa pa hasi ku nan, asina lo Mi hasi ku boso.'"