Read Papantla Totonac Numbernan 36 Bible Online

Numbernan 36 - Papantla Totonac bible

Numbernan 36

¹I e kabesnan di e kasnan di e tatanan di e famia di e yu hombernan di Galaad, yu homber di Makir, yu homber di Manases, di e famianan di e yu hombernan di Jose, a yega serka i a papia dilanti di Moises i dilanti di e lideman, kabesnan di e kasnan di e tatanan di e yunan di Israel,

²i nan a bisa: "SENOR a ordena mi senor pa duna e yunan di Israel e tera komo erensia pa medio di lot, i SENOR a ordena mi senor pa duna e erensia di nos ruman homber Zelofehad na su yu muhenan.

³Ma si nan kasa ku un di e yu hombernan di e otro tribunan di e yunan di Israel, nan erensia lo wordu kita for di erensia di nos tatanan i lo wordu anadi na erensia di e tribu ku nan ta uni nan mes kune dor di matrimonio; asina esaki lo wordu kita for di nos porshon di e erensia.

⁴I ora tempu di hubileo di e yunan di Israel yega, e ora ei nan erensia lo wordu anadi na erensia di e tribu ku nan ta uni nan mes kune; asina nan erensia lo wordu kita for di erensia di e tribu di nos tatanan."

⁵E ora ei Moises a ordena e yunan di Israel konforme e palabra di SENOR, bisando: "E tribu di e yu hombernan di Jose ta papia korektamente.

⁶Esaki ta loke SENOR a ordena enkuanto e yu muhenan di Zelofehad, bisando: 'Laga nan kasa ku esun ku nan ta desea di kasa kune; solamente, nan mester kasa den e famia di e tribu di nan tata.'

⁷Asina ningun erensia di e yunan di Israel no mag pasa di un tribu pa otro, pasobra e yunan di Israel kada un mester tene nan mes na e erensia di e tribu di nan tatanan.

⁸I tur yu muhe ku ereda propiedat di kualke tribu di e yunan di Israel mester ta esposa di un hende di famia di e tribu di su tata, asina ku e yunan di Israel kada un por posee e erensia di su tatanan.

⁹Asina ningun erensia no mag pasa di un tribu pa otro, pasobra e tribunan di e yunan di Israel mester tene kada un na su propio erensia."

¹⁰Meskos ku SENOR a ordena Moises, asina e yu muhenan di Zelofehad a hasi:

¹¹Mala, Tirsa, Hogla, Milka i Noa, e yu muhenan di Zelofehad, a kasa ku yu hombernan di nan tionan.

¹²I nan a kasa ku famia di e yu hombernan di Manases, yu homber di Jose, i nan erensia a keda den e tribu di famia di nan tata.

¹³Esakinan ta e mandamentunan i ordenansanan ku SENOR a ordena e yunan di Israel pa medio di Moises den e sabananan di Moab banda di Jordan, enfrente di Jeriko.