Read Papantla Totonac Numbernan 7 Bible Online

Numbernan 7 - Papantla Totonac bible

Numbernan 7

¹Awor a sosode ku dia Moises a kaba di lanta e tabernakel, el a ungie i konsagr'e huntu ku tur su artikulonan-di-uzo, i e altar ku tur su artikulonan-di-uzo; el a ungi nan i a konsagra nan tambe.

²E ora ei e lidernan di Israel, e kabesnan di e kasnan di nan tatanan, kendenan tabata e lidernan di e tribunan i kendenan tabata enkarga ku e hombernan ku a wordu konta, a ofrese un ofrenda.

³Ora nan a trese nan ofrenda dilanti di SENOR, seis garoshi tapa i diesdos buey, un garoshi pa kada dos lider i un buey pa kada un, e ora ei nan a presenta esakinan dilanti di e tabernakel.

⁴E ora ei SENOR a papia ku Moises, bisando:

⁵"Asepta e kosnan aki for di nan, pa nan wordu uza den e sirbishi di e tent di reunion, i duna nan na e levitanan, na kada homber segun su sirbishi."

⁶Asina Moises a kohe e garoshinan i e bueynan i a duna nan na e levitanan.

⁷Dos garoshi i kuater buey el a duna e yu hombernan di Gerson, konforme nan sirbishi,

⁸i kuater garoshi i ocho buey el a duna e yu hombernan di Merari, konforme nan sirbishi, bou di direkshon di Itamar, yu homber di saserdote Aaron.

⁹Ma e no a duna e yu hombernan di Koat ni un, pasobra nan tabatin e sirbishi di e kosnan santu ku nan tabata karga riba nan skouder.

¹⁰I e lidernan a ofrese e ofrenda di dedikashon pa e altar dia ku esaki a wordu ungi; asina e lidernan a ofrese nan ofrenda dilanti di e altar.

¹¹E ora ei SENOR a bisa Moises: "Laga nan presenta nan ofrenda, kada dia un lider, pa dedikashon di e altar."

¹²Awor esun ku a presenta su ofrenda riba e prome dia tabata Nason, yu homber di Aminadab, di e tribu di Juda,

¹³i su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

¹⁴un kuchara di oro di dies siklo, yen di sensia;

¹⁵un bishe machu, un karne chubatu, un lamchi machu di un ana, komo un ofrenda kima;

¹⁶un kabritu chubatu komo un ofrenda pa pika;

¹⁷i komo e sakrifisio di ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Nason, yu homber di Aminadab.

¹⁸Riba e di dos dia Natanael, yu homber di Zuar, lider di Isakar, a presenta un ofrenda.

¹⁹Komo su ofrenda el a presenta un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

²⁰un kuchara di oro di dies siklo, yen di sensia;

²¹un bishe machu, un karne chubatu, un lamchi machu di un ana, komo un ofrenda kima;

²²un kabritu chubatu komo un ofrenda pa pika;

²³i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Natanael, yu homber di Zuar.

²⁴Riba e di tres dia Eliab, yu homber di Helon, lider di e yu hombernan di Zabulon, a presenta su ofrenda.

²⁵Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

²⁶un kuchara di oro di dies siklo, yen di sensia;

²⁷un bishe machu, un karne chubatu, un lamchi machu di un ana, komo un ofrenda kima;

²⁸un kabritu chubatu komo un ofrenda pa pika;

²⁹i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Eliab, yu homber di Helon.

³⁰Riba e di kuater dia Elisur, yu homber di Sedeur, lider di e yu hombernan di Ruben, a presenta su ofrenda.

³¹Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

³²un kuchara di oro di dies siklo, yen di sensia;

³³un bishe machu, un karne chubatu, un lamchi machu di un ana, komo un ofrenda kima;

³⁴un kabritu chubatu komo un ofrenda pa pika;

³⁵i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Elisur, yu homber di Sedeur.

³⁶Riba e di sinku dia Selumiel, yu homber di Zurisadai, lider di e yunan di Simeon, a presenta su ofrenda.

³⁷Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

³⁸un kuchara di oro di dies siklo, yen di sensia;

³⁹un bishe machu, un karne chubatu, un lamchi machu di un ana, komo un ofrenda kima;

⁴⁰un kabritu chubatu komo un ofrenda pa pika;

⁴¹i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Selumiel, yu homber di Zurisadai.

⁴²Riba e di seis dia Eliasaf, yu homber di Deuel, lider di e yu hombernan di Gad, a presenta su ofrenda.

⁴³Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁴⁴un kuchara di oro di dies siklo, yen di sensia;

⁴⁵un bishe machu, un karne chubatu, un lamchi machu di un ana, komo un ofrenda kima;

⁴⁶un kabritu chubatu komo un ofrenda pa pika;

⁴⁷i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Eliasaf, yu homber di Deuel.

⁴⁸Riba e di shete dia Elisama, yu homber di Amiud, lider di e yu hombernan di Efrain, a presenta su ofrenda.

⁴⁹Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁵⁰un kuchara di oro di dies siklo, yen di sensia;

⁵¹un bishe machu, un karne chubatu, un lamchi machu di un ana, komo un ofrenda kima;

⁵²un kabritu chubatu komo un ofrenda pa pika;

⁵³i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Elisama, yu homber di Amiud.

⁵⁴Riba e di ocho dia Gamaliel, yu homber di Pedasur, lider di e yu hombernan di Manases, a presenta su ofrenda.

⁵⁵Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁵⁶un kuchara di oro di dies siklo, yen di sensia;

⁵⁷un bishe machu, un karne chubatu, un lamchi machu di un ana, komo un ofrenda kima;

⁵⁸un kabritu chubatu komo un ofrenda pa pika;

⁵⁹i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Gamaliel, yu homber di Pedasur.

⁶⁰Riba e di nuebe dia Abidan, yu homber di Gideoni, lider di e yu hombernan di Benjamin, a presenta su ofrenda.

⁶¹Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁶²un kuchara di oro di dies siklo, yen di sensia;

⁶³un bishe machu, un karne chubatu, un lamchi machu di un ana, komo un ofrenda kima;

⁶⁴un kabritu chubatu komo un ofrenda pa pika;

⁶⁵i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Abidan, yu homber di Gideoni.

⁶⁶Riba e di dies dia Ahiezer, yu homber di Amisadai, lider di e yu hombernan di Dan, a presenta su ofrenda.

⁶⁷Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁶⁸un kuchara di oro di dies siklo, yen di sensia;

⁶⁹un bishe machu, un karne chubatu, un lamchi machu di un ana, komo un ofrenda kima;

⁷⁰un kabritu chubatu komo un ofrenda pa pika;

⁷¹i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Ahiezer, yu homber di Amisadai.

⁷²Riba e di diesun dia Pagiel, yu homber di Okran, lider di e yu hombernan di Aser, a presenta su ofrenda.

⁷³Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁷⁴un kuchara di oro di dies siklo, yen di sensia;

⁷⁵un bishe machu, un karne chubatu, un lamchi machu di un ana, komo un ofrenda kima;

⁷⁶un kabritu chubatu komo un ofrenda pa pika;

⁷⁷i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Pagiel, yu homber di Okran.

⁷⁸Riba e di diesdos dia Ahira, yu homber di Enan, lider di e yu hombernan di Neftali, a presenta su ofrenda.

⁷⁹Su ofrenda tabata un skalchi di plata ku tabata pisa shent'i trinta siklo, un komchi di plata di setenta siklo, segun e siklo di e santuario, nan tur dos yen di harina fini meskla ku zeta, komo un ofrenda di mainshi;

⁸⁰un kuchara di oro di dies siklo, yen di sensia;

⁸¹un bishe machu, un karne chubatu, un lamchi machu di un ana, komo un ofrenda kima;

⁸²un kabritu chubatu komo un ofrenda pa pika;

⁸³i komo e sakrifisio di e ofrendanan di pas: dos buey, sinku karne chubatu, sinku kabritu chubatu, sinku lamchi machu di un ana. Esaki tabata e ofrenda di Ahira, yu homber di Enan.

⁸⁴Esaki tabata e ofrenda ku e lidernan di Israel a ofrese pa dedikashon di e altar, dia ku esaki a wordu ungi: diesdos skalchi di plata, diesdos komchi di plata, diesdos kuchara di oro;

⁸⁵kada skalchi di plata tabata pisa shent'i trinta siklo i kada komchi, setenta; tur e plata di e artikulonan-di-uzo tabata dos mil kuater shen siklo, segun e siklo di e santuario;

⁸⁶e diesdos kucharanan di oro yen di sensia, kada un ku e peso di dies siklo, segun e siklo di e santuario, tur e oro di e kucharanan, shent'i binti siklo;

⁸⁷tur e bueynan pa e ofrenda kima tabata diesdos bishe machu, tur e karnenan chubatu, diesdos, e lamchinan machu di un ana, huntu ku nan ofrenda di mainshi, diesdos, i e kabritunan chubatu komo un ofrenda pa pika, diesdos;

⁸⁸i tur e bueynan pa e sakrifisio di ofrendanan di pas, bint'i kuater bishe machu, tur e karnenan chubatu, sesenta, e kabritunan chubatu, sesenta, e lamchinan machu di un ana, sesenta. Esaki tabata e ofrenda di dedikashon pa e altar despues ku el a wordu ungi.

⁸⁹Awor ora Moises a bai den e tent di reunion pa papia kuné, el a tende e bos ta papia kune for di ariba di e propisiatorio ku tabata riba e arka di testimonio, for di meimei di e dos kerubinnan; asina El a papia kune.