Read Papantla Totonac Mikeas 2 Bible Online

Mikeas 2 - Papantla Totonac bible

Mikeas 2

¹Ai di esnan ku ta plania inikidat, ku ta pensa maldat riba nan kama! Ora bira mainta nan ta ehekuta esaki, pasobra ta den poder di nan man pa hasi esaki.

²Nan ta kudisha kunukunan i despues ta gara nan, i kasnan, i ta kohe nan. Nan ta horta un homber i su kas, un homber i su erensia.

³Pesei, asina SENOR ta bisa: "Mira, Mi ta plania un kalamidat kontra e famia aki, for di kual boso no por saka boso nek; i boso lo no kana ku pechu haltu, pasobra esaki lo ta un tempu malu.

⁴Riba e dia ei nan lo traha un proverbio kontra boso i lamenta ku un lamentashon amargo i bisa: 'Nos ta kompletamente destrui! E ta kambia e erensia di mi pueblo; mira kon E ta kit'e for di mi! Entre e traidonan E ta parti nos kunukunan.'

⁵"Pesei boso lo no tin ningun hende pa span un lina-di-midi pa boso pa medio di lot den e asamblea di SENOR.

⁶'No profetisa,' asina nan ta bisa esnan ku ta profetisa. Ma si nan no profetisa tokante di e kosnan aki, berguensa lo no kaba nunka.

⁷No ta wordu bisa, O kas di Jakob: 'E Spiritu di SENOR ta sin pasenshi? Esakinan ta kosnan ku E ta hasi?' "Mi palabranan no ta hasi bon na esun ku ta kana rekto?

⁸Ultimamente Mi pueblo a lanta manera un enemigu; Boso ta ranka kita e mantel luhoso for di esnan ku ta kana pasa ku tur konfiansa, for di esnan ku a bolbe for di bataya.

⁹Boso ta saka e muhenan di Mi pueblo, kada un for di su kas ku e ta stima; for di su yunan boso ta kita Mi splendor pa semper.

¹⁰Lanta i bai, pasobra esaki no ta luga di sosiegu pa motibu di e impuresa ku ta trese destrukshon, un destrukshon doloroso.

¹¹Si un homber ku ta kana tras di bientu i engano a papia mentira i a bisa: 'Lo mi papia ku boso di bina i di bibida sterki,' e lo tabata profeta pa e pueblo aki.

¹²"Siguramente lo Mi reuni tur di boso, O Jakob, siguramente lo Mi rekohe e restante di Israel. Lo Mi trese nan huntu manera karne den kura; manera un tou meimei di su luga di yerba berde. E luga lo ta yen di boroto pa motibu di tantu hende.

¹³Esun ku ta habri kaminda ta subi bai nan dilanti; nan ta kibra sali, pasa dor di e porta, i sali dor di dje. Asina nan rei ta pasa bai nan dilanti, i SENOR na kabes."