Read Papantla Totonac Mikeas 4 Bible Online

Mikeas 4 - Papantla Totonac bible

Mikeas 4

¹I lo sosode den e ultimo dianan ku e seru di e kas di SENOR lo wordu stables! komo hefe di e serunan. E lo wordu halsa mas haltu ku e seritunan, i e pueblonan lo basha bai na dje.

²I hopi nashon lo bin bisa: "Ban laga nos subi bai na e seru di SENOR i na e kas di e Dios di Jakob, pa E sina nos di Su kamindanan i pa nos kana den Su berehanan." Pasobra e lei lo sali for di Sion, e palabra di SENOR for di Jerusalem.

³I E lo huzga entre hopi pueblo i hasi desishon pa nashonnan leu i poderoso. E ora ei nan lo bati nan spadanan traha plug ku nan, i nan lo bati nan lansanan traha sker-pa-snui ku nan; nashon lo no lanta spada kontra nashon, i nunka mas nan lo no tren pa guera.

⁴I kada un di nan lo sinta bou di su palu di wendruif i bou di su palu di figo, i ningun hende lo no spanta nan, pasobra e boka di e SENOR di ehersitonan a papia.

⁵Maske tur e pueblonan ta kana kada un den e nomber di su dios, ma pa loke ta nos, nos si lo kana den e nomber di SENOR nos Dios pa semper i semper.

⁶"Den e dia ei," SENOR ta deklara, "lo Mi reuni e kohonan, i rekohe e eksiliadonan, esnan ku Mi a afligf

⁷Lo Mi hasi e kohonan un restante, i e eksiliadonan un nashon fuerte; i SENOR lo reina riba nan na Seru Sion awor i pa semper.

⁸I pa loke t'abo, toren di e tou, seritu di e yu muhe di Sion, serka bo e lo bin--e dominio di antes lo bin, e reino di e yu muhe di Jerusalem."

⁹Awor, pakiko bo ta grita duru asina? No tin rei entre boso, of bo konsehero a perese, ku agonia a garabo manera un muhe na ora di parto?

¹⁰Trose di dolo pa duna lus, yu muhe di Sion, manera un muhe na ora di parto; pasobra awor lo bo sali for di e stat, lo bo biba den kunuku, i bai Babilonia. Ayanan lo bo wordu reskata; ayanan SENOR lo redimibo for di man di bo enemigunan.

¹¹"I awor hopi nashon a wordu reuni kontra bo i nan ta bisa: 'Lagu'e wordu kontamina, i laga nos wowo wak Sion ku goso malisioso.'

¹²Ma nan no konose e pensamentunan di SENOR, i nan no ta komprende Su proposito; pasobra El a hunta nan manera bohi na e plenchi-di-bati-mainshi.

¹³"Lanta i bati mainshi, O yu muhe di Sion, pasobra lo Mi dunabo kachunan di heru, i lo Mi dunabo hufnan di brons, pa bo kibra hopi pueblo na pida-pida." Abo lo dedika nan ganashi inhustu na SENOR i nan rikesa na e Senor di henter tera.