Read Papantla Totonac Mikeas 6 Bible Online

Mikeas 6 - Papantla Totonac bible

Mikeas 6

¹Tende awor loke SENOR ta bisa: "Lanta, pleita bo kaso dilanti di e serunan, i laga e seritunan tende bo bos.

²Skucha, boso serunan, e akusashon di SENOR, i boso, fundeshinan fuerte di tera, pasobra SENOR tin un kaso kontra Su pueblo; i ku Israel E lo pleita Su kaso.

³"Mi pueblo, kiko Mi a hasibo, i ku kiko Mi a kansabo? KontestaMi.

⁴Di berdat, Mi a sakabo for di tera di Egipto i a redimibo for di e kas di sklabitut, i Mi a manda Moises, Aaron i Miriam bo dilanti.

⁵Mi pueblo, korda awor loke Balak, rei di Moab, a konseha, i loke Balaam, yu homber di Beor, a kontest'e. Korda bo biahe for di Sitim te na Gilgal, pa bo konose e echonan hustu di SENOR."

⁶Ku kiko mi mester bin serka SENOR i buig te na suela dilanti di e Dios haltisimo? Mi mester bin serka djé ku ofrenda kima, ku bishe di un ana?

⁷SENOR tin delisia den miles di karne chubatu, den dies mil riu di zeta? Mi mester presenta mi primogenito pa mi echonan di rebeldia, e fruta di mi kurpa pa e pika di mi alma?

⁸El a bisabo, O hende, loke ta bon; i kiko SENOR ta eksigi di bo, si no ta pa hasi hustisia, pa stima miserikordia, i pa kana umildemente ku bo Dios?

⁹E bos di SENOR lo yama na e stat-- i ta sabiduria sano pa tin temor pa Bo nomber: "Tende, O tribu. Ken a stipula su tempu?

¹⁰Tin un hende den e kas di maldat ainda, huntu ku e tesoronan di maldat, i un midi skars ku a keda maldishona?

¹¹Mi por hustifika balansa falsu i un saku yen di peso enganoso?

¹²Pasobra e hombernan riku di e stat ta yen di violensia, su habitantenan ta papia mentira, i nan lenga ta enganoso den nan boka.

¹³Pesei tambe lo Mi hasibo bira malu dor di dal bo bent'abou, dor di hasibo keda desola pa motibu di bo pikanan.

¹⁴Lo bo kome, ma lo bo no keda satisfecho, i bo stoma lo keda bashi. Lo bo almasena, ma lo no spar nada, pasobra loke bo spar, lo Mi entrega na spada.

¹⁵Lo bo sembra, ma lo bo no kosecha. Lo bo trapa oleifi, ma lo bo no hunta bo mes ku zeta; i lo bo trapa wendruif, ma lo bo no bebe bina.

¹⁶E statutonan di Omri i tur e obranan di e kas di Akab ta wordu kumpli; i bo ta kana den nan kustumbernan. Pesei lo Mi entregabo na destrukshon i bo habitantenan na bofon. I lo bo soporta e reproche di Mi pueblo."