Read Papantla Totonac Sofonias 2 Bible Online

Sofonias 2 - Papantla Totonac bible

Sofonias 2

¹Reuni boso mes, si, reuni, O nashon sin berguensa,

²prome ku e dekreto tuma luga-- e dia ta pasa manera bagas-- prome ku e rabia ardiente di SENOR bin riba boso, prome ku e dia di e rabia di SENOR bin riba boso.

³Buska SENOR, boso tur umildenan di tera ku a kumpli ku Su ordenansanan; buska hustisia; buska umildat. Kisas boso lo wordu skondi riba e dia di e rabia di SENOR.

⁴Pasobra Gaza lo wordu bandona, i Askalon lo bira un desolashon; merdia nan lo kore ku Asdod, i Ekron lo wordu ranka ku rais ku tur.

⁵Ai di e habitantenan di kosta di laman, e nashon di e gereteonan! E palabra di SENOR ta kontra boso, O Kanaan, tera di e filisteonan: "I lo Mi destrui boso, asina ku lo no keda ningun habitante."

⁶Asina e kosta di laman lo bira luga di yerba berde, ku kueba pa wardadonan i kura pa tounan di karne.

⁷I e kosta lo ta pa e restante di e kas di Juda; aya nan lo wordu pastoria. Den e kasnan di Askalon nan lo drumi atardi; pasobra SENOR nan Dios lo kuida nan i trese nan bek for di koutiverio.

⁸"Mi a tende e reproche di Moab i e cherchamentu di e yu hombernan di Amon, kendenan a reprocha Mi pueblo, i a menasa nan teritorio.

⁹Pesei, manera Mi ta biba," e SENOR di ehersitonan, e Dios di Israel, ta deklara, "siguramente Moab lo bira manera Sodoma i e yu hombernan di Amon manera Gomora-- un luga yen-yen di sumpina i minanan di salu, i un desolashon perpetuo. E restante di Mi pueblo lo plunder nan, i esnan di Mi nashon ku a keda lo ereda nan."

¹⁰Esaki nan lo hana komo pago pa nan orguyo, pasobra nan a insulta i a bira arogante kontra e pueblo di e SENOR di ehersitonan.

¹¹SENOR lo ta teribel pa nan, pasobra E lo laga tur e diosnan di e tera kaba na nada; i tur e teranan-na-kosta di e nashonnan lo buig te na suela Su dilanti, kada un for di su mes luga.

¹²"Boso tambe, O etiopenan, lo wordu mata ku Mi spada."

¹³I E lo saka Su man kontra e parti nort i destrui Asiria, i E lo hasi Ninive un desolashon, seku manera desierto.

¹⁴I tounan lo drumi meimei di dje, tur bestia ku ta kana na trupa; tantu pelikan komo porko di spina lo biba den e kapitelnan di su pilarnan; parhanan lo kanta den bentana, i lo tin desolashon riba e drempel; pasobra El a hasi e palu di seda keda bisto.

¹⁵Esaki ta e stat triunfante ku ta biba den siguridat, ku ta bisa den su kurason: "Ami ta, i no tin ningun fuera di mi." Esta un desolashon el a bira, un luga pa bestia sosega! Ken ku pasa banda di dje lo fluit i sakudi su man ku despresio.