Read Papantla Totonac Zakarias 10 Bible Online

Zakarias 10 - Papantla Totonac bible

Zakarias 10

¹Pidi SENOR awaseru den tempu di primavera-- e SENOR ku ta traha e nubianan di tempestat; i E lo duna nan yobidanan di awaseru, vegetashon den kunuku pa kada hende.

²Pasobra e terafinnan ta papia inikidat, i e adivinadonan ta mira vishonnan enganoso, i ta konta sononan falsu; en bano nan ta konsola. Pesei e pueblo ta dwal manera karne, nan ta afligi, pasobra no tin wardado.

³"Mi rabia ta lanta kontra e wardadonan, i lo Mi kastiga e kabritunan chubatu; pasobra e SENOR di ehersitonan a bishita Su tou, e kas di Juda, i lo hasi nan manera Su kabai mahestuoso den bataya.

⁴For di nan e piedra di skina lo bin, for di nan e staka di tent, for di nan e bog di bataya, for di nan tur gobernante, nan tur huntu.

⁵I nan lo ta manera hombernan poderoso ku ta trapa e enemigu den e lodo di e kayanan den bataya; i nan lo bringa, pasobra SENOR lo ta ku nan; i e koredonan riba kabai lo keda brongosa.

⁶"I lo Mi fortifika e kas di Juda, i lo Mi salba e kas di Jose, i lo Mi trese nan bek, pasobra Mi tabatin kompashon ku nan; i nan lo ta komo sifuera nunka Mi a rechasa nan, pasobra Ami ta SENOR nan Dios, i lo Mi kontesta nan.

⁷I Efrain lo ta manera un homber poderoso, i nan kurason lo ta kontentu, manera pa kousa di bina; di berdat, nan yunan lo mira esaki i lo ta kontentu; nan kurason lo regosiha den SENOR.

⁸Lo Mi fluit nan i trese nan tur huntu, pasobra Mi a redimi nan; i nan lo ta mes numeroso ku nan tabata antes.

⁹Ora Mi plama nan meimei di e pueblonan, nan lo korda riba Mi den teranan leu; i nan ku nan yunan lo biba i bin bek.

¹⁰Lo Mi trese nan bek for di tera di Egipto, i rekohe nan for di Asiria; i lo Mi hiba nan na tera di Galaad i Libano, te ora ku no tin mas luga pa nan tur.

¹¹I E lo pasa dor di e laman di angustia, i bati e olanan den laman, asina ku tur e profundidatnan di Neil lo seka; i e orguyo di Asiria lo wordu rebaha, i e septer di Egipto lo disparse.

¹²I lo Mi fortalese nan den SENOR; i den Su nomber nan lo kana," SENOR ta deklara.