Read Papantla Totonac Zakarias 11 Bible Online

Zakarias 11 - Papantla Totonac bible

Zakarias 11

¹Habri boso portanan, O Lfoano, pa kandela por kome boso palunan di seda.

²Grita yora, O palu di sipres, pasobra e palu di seda a kai, pasobra e palunan magnifiko a wordu destrui; grita yora, O palunan di eik di Basan, pasobra e mondi impenetrabel a bash'abou.

³Tin un zonidu di lamento di e wardadonan, pasobra nan gloria ta ruina; tin un zonidu di grunamentu di leon chikitu, pasobra e orguyo di Jordan ta ruina.

⁴Asina SENOR mi Dios ta bisa: "Pastoria e tou ku ta destina pa matansa.

⁵Esnan ku ta kumpra nan ta mata nan i no ta hana kastigu, i kada un di esnan ku ta bende nan ta bisa: 'Bendishona sea SENOR, pasobra mi a bira riku!' I nan mes wardadonan no ta tene duele di nan.

⁶Pasobra lo Mi no tene duele mas di e habitantenan di e tera," SENOR ta deklara; "ma mira, lo Mi hasi e hombernan kai, kada un den poder di e otro i den poder di su rei; i nan lo oprimi e tera, i Ami lo no libra nan for di nan poder."

⁷Asina mi a pastoria e tou ku tabata destina pa matansa, esta, e afliginan di e tou. I mi a kohe dos garoti pa mi mes: esun mi a yama Fabor, i e otro mi a yama Union; asina mi a pastoria e tou.

⁸Anto den un luna mi a deshasi di e tres wardadonan, pasobra mi alma a perde pasenshi ku nan, i nan alma tambe a kansa di mi.

⁹E ora ei mi a bisa: "Lo mi no pastoria boso. Loke mester muri, lagu'e muri, i loke mester wordu destrui, lagu'e wordu destrui; i laga esnan ku resta kome otro su karni."

¹⁰I mi a kohe mi garoti, Fabor, i a kort'e na pida-pida, pa kibra mi aliansa ku mi a sera ku tur e pueblonan.

¹¹Asina el a wordu kibra riba e dia ei, i asina e afliginan di e tou, ku tabata wak mi, a realisa ku tabata e palabra di SENOR.

¹²I mi a bisa nan: "Si boso ta hana ta bon, dunami mi sueldo; ma si no, laga numa!" Asina nan a pisa trinta siklo di plata komo mi sueldo.

¹³Anto SENOR a bisami: "Tira esaki pa e alfarero, e preis magnifiko ei na kual nan a baloraMi." Asina mi a kohe e trinta siklo di plata i a tira nan pa e alfarero den e kas di SENOR.

¹⁴Anto mi a korta mi di dos garoti, Union, na pida-pida, pa kibra e hermandat entre Juda i Israel.

¹⁵I SENOR a bisami: "Bolbe tuma pa bo mes e ekipo di un wardado bobo.

¹⁶Pasobra mira, Mi ta bai lanta un wardado den e tera, ku lo no preokupa pa esnan ku ta perese, ni buska esnan plama, ni kura esnan herida, ni sostene esnan ku ta para, ma ku lo devora karni di e karnenan gordo i ranka nan hufnan kit'afo.

¹⁷"Ai di e wardado inutil ku ta bandona e tou! Spada lo herida su brasa i su wowo drechi! Su brasa lo seka kompletamente, i su wowo drechi lo bira siegu."