Read Papantla Totonac Zakarias 12 Bible Online

Zakarias 12 - Papantla Totonac bible

Zakarias 12

¹E karga di e palabra di SENOR tokante di Israel. Asina SENOR, Kende ta span e shelunan, Kende ta pone fundeshi di e tera, i ta forma e spiritu di hende den dje, ta deklara:

²"Mira, Mi ta bai hasi Jerusalem un kopa ku lo pone tur e pueblonan tur ront kana zeilu; i ora nan rondona Jerusalem, nan lo rondona Juda tambe.

³I lo sosode den e dia ei ku lo Mi hasi Jerusalem un piedra pisa pa tur e pueblonan; tur ku his'e lo wordu herida gravemente. I tur nashon di mundu lo reuni kontra dje.

⁴Den e dia ei," SENOR ta deklara, "lo Mi laga paniko podera di tur kabai, i lokura podera di su koredo. Ma lo Mi kuida e kas di Juda, mientras ku Mi ta hasi tur kabai di e pueblonan bira siegu.

⁵Anto e tribunan di Juda lo bisa den nan kurason: 'E habitantenan di Jerusalem ta un sosten poderoso pa nos pa medio di e SENOR di ehersitonan, nan Dios.'

⁶"Den e dia ei lo Mi hasi e tribunan di Juda manera un wea di kandela meimei di pida-pida palu, i un flambeu sendi meimei di bohi, asina ku nan lo kaba ku tur e pueblonan ront di nan, na man drechi i na man robes, mientras ku e habitantenan di Jerusalem lo bolbe biba na nan mes luga na Jerusalem.

⁷"Tambe SENOR lo salba e tentnan di Juda prome, pa e gloria di e kas di David i e gloria di e habitantenan di Jerusalem no wordu halsa riba Juda.

⁸Den e dia ei SENOR lo defende e habitantenan di Jerusalem, i esun ku ta debil entre nan den e dia ei lo ta manera David, i e kas di David lo ta manera Dios, manera e Angel di SENOR nan dilanti.

⁹I lo sosode ku den e dia ei lo Mi buska pa destrui tur e nashonnan ku ta bin kontra Jerusalem.

¹⁰"I lo Mi basha riba e kas di David i riba e habitantenan di Jerusalem e Spiritu di grasia i di suplika, asina ku nan lo mira na Mi, Esun ku nan a traspasa; i nan lo yor'E, manera ta yora un uniko yu homber, i nan lo yor'E amargamente, manera e yoramentu amargo pa un primogenito.

¹¹Den e dia ei lo tin hopi yoramentu na Jerusalem, manera e yoramentu di Hadad-rimon den e sabana di Meguido.

¹²I e tera lo yora, kada famia riba su mes; e famia di e kas di David riba su mes, i nan esposanan riba nan mes; e famia di e kas di Natan riba su mes, i nan esposanan riba nan mes;

¹³e famia di e kas di Levi riba su mes, i nan esposanan riba nan mes; e famia di Semei riba su mes, i nan esposanan riba nan mes;

¹⁴tur e famianan ku a keda, kada famia riba su mes, i nan esposanan riba nan mes.