Read Papantla Totonac Zakarias 4 Bible Online

Zakarias 4 - Papantla Totonac bible

Zakarias 4

¹E ora ei e angel ku tabata papia ku mi a bolbe, i a spiertami manera un hende ku ta wordu spierta for di su sono.

²I el a bisami: "Kiko bo ta mira?" I mi a bisa: "Mi ta mira, i ata un kandela tur di oro ku su komchi na su parti ariba, i su shete lampinan na dje ku shete tubo ku ta pertenese na kada un di e lampinan ku tin na su parti ariba;

³tambe dos palu di oleifi banda di dje, un na banda drechi di e komchi i e otro na su banda robes."

⁴E ora ei mi a kontesta i a bisa e angel ku tabata papia ku mi: "Kiko esakinan ta, mi senor?"

⁵Asina e angel ku tabata papia ku mi a kontesta i a bisami: "Bo no sa kiko esakinan ta?" I mi a bisa: "No, mi senor."

⁶Anto el a kontesta i a bisami: "Esaki ta e palabra di SENOR na Zorobabel, bisando: 'No pa medio di forsa, ni pa medio di poder, ma pa medio di Mi Spiritu,' e SENOR di ehersitonan ta bisa.

⁷'Ta kiko bo ta, O seru grandi? Dilanti di Zorobabel lo bo bira un sabana; i e lo saka e piedra di mas ariba ku gritunan di "Grasia, grasia na dje!

⁸Tambe e palabra di SENOR a yega na mi, bisando:

⁹"E mannan di Zorobabel a pone fundeshi di e kas aki, i su mannan lo kab'e. E ora ei boso lo sa ku e SENOR di ehersitonan a mandami serka boso.

¹⁰"Pasobra ta ken a despresia e dia di kosnan chikitu? Ma e shetenan aki lo ta kontentu ora nan mira e chumbu-di-midi den man di Zorobabel--esakinan ta e wowonan di e SENOR ku ta pasa bai-bin riba henter tera."

¹¹E ora ei mi a kontesta i a bis'e: "Kiko e dos palunan di oleifi aki ta, ku ta na banda drechi di e kandela i na su banda robes?"

¹²I mi a kontesta pa di dos biaha i a bis'e: "Kiko e dos takinan di oleifi ta, ku ta banda di e dos tubonan di oro, for di kualnan e zeta di oro ta basha?"

¹³Asina el a kontestami, bisando: "Bo no sa kiko esakinan ta?" I mi a bisa: "No, mi senor."

¹⁴E ora ei el a bisa: "Esakinan ta e dos unginan ku ta para banda di e Senor di henter tera."