Read Papantla Totonac Malakias 4 Bible Online

Malakias 4 - Papantla Totonac bible

Malakias 4

¹"Pasobra mira, e dia ta bin; e lo kima manera fornu; i tur e hendenan arogante i kada hasido di maldat lo ta bagas; i e dia ku ta bin lo sende nan na kandela," e SENOR di ehersitonan ta bisa, "asina ku ni nan rais ni nan rama lo no keda.

²Ma pa boso ku ta teme Mi nomber e solo di hustisia lo sali ku kuramentu den su halanan; i boso lo sali i bula ront manera bishenan for di stal.

³I boso lo trapa riba e malbadonan, pasobra nan lo ta shinishi bou di boso plant'i pia riba e dia ku Mi ta prepara," e SENOR di ehersitonan ta bisa.

⁴"Korda e lei di Moises, Mi sirbido, e statutonan i ordenansanan ku Mi a orden'e na Horeb pa henter Israel.

⁵"Mira, Mi ta bai manda profeta Elias serka boso prome ku binida di e dia grandi i teribel di SENOR.

⁶I e lo restora kurason di e tatanan pa nan yunan, i kurason di e yunan pa nan tatanan, pa Mi no bin i afligi e tera ku maldishon."