Read Papantla Totonac Mateo 17 Bible Online

Mateo 17 - Papantla Totonac bible

Mateo 17

¹I seis dia despues Jesus a hiba Pedro, Santiago i su ruman Juan huntu kuné, i a bai ku nan riba un seru haltu, kaminda nan tabata nan so.

²I El a wordu transfigura nan dilanti; i Su kara tabata briya manera solo, i Su pananan a bira mes blanku ku lus.

³I mira, Moises i Elias a parese na nan, i tabata papia kuné.

⁴I Pedro a kontesta i a bisa Jesus: "Senor, ta bon pa nos ta akinan; si Bo kier, lo mi traha tres tabernakel akinan: un pa Bo, un pa Moises i un pa Elias."

⁵Mientras ku e tabata papia ainda, ata, un nubia di lus a sombra nan; i ata, un bos for di e nubia, bisando: "Esaki ta Mi Yu stima, den Kende Mi tin goso; tende na djé!"

⁶I ora ku e disipelnan a tende esaki, nan a tira nan kurpa abou ku nan kara te na suela i a keda masha spanta.

⁷I Jesus a bin serka nan i a pone man riba nan i a bisa: "Lanta, i no tene miedu."

⁸I ora nan a hisa kara wak, nan no a mira ningun otro hende, sino Jesus so.

⁹I ora nan tabata baha for di e seru, Jesus a ordena nan, bisando: "No konta ningun hende e vishon te ora ku e Yu di Hende a lanta for di e mortonan."

¹⁰I Su disipelnan a puntr'E, bisando: "Pakiko anto e eskribanan ta bisa ku Elias mester bin prome?"

¹¹I El a kontesta i a bisa: "Elias ta bin i lo restora tur kos;

¹²ma Ami ta bisa boso ku Elias a bin kaba, i nan no a rekonos'e, ma nan a hasi kune manera nan a hana ta bon. Asina tambe e Yu di Hende ta bai sufri na nan man."

¹³E ora ei e disipelnan a komprende ku E tabata papia ku nan di Juan Boutista.

¹⁴I ora nan a yega serka e multitut, a bin un homber serka djé ku a kai na rudia Su dilanti, bisando:

¹⁵" Senor, tene miserikordia di mi yu homber, pasobra e ta un lunatiko, i ta hopi malu; pasobra hopi biaha e ta kai den kandela, i hopi biaha den awa.

¹⁶I mi a tres'e serka Bo disipelnan, i nan no por a kur'e."

¹⁷I Jesus a kontesta i a bisa: "O generashon inkredulo i perverso, kuantu tempu mas lo Mi ta serka boso? Kuantu tempu Mi mester soporta boso? Tres'e aki pa Mi."

¹⁸I Jesus a reprend'e, i e demono a sali for di dje; i mesora e mucha homber a kura.

¹⁹E ora ei e disipelnan a bin serka Jesus i a puntra, ora nan tabata nan so kuné: "Pakiko nos no tabata por a sak'e?"

²⁰I El a bisa nan: "Pa motibu di boso inkredulidat. Pasobra di berdat Mi ta bisa boso, si boso tin fe manera un simia di moster, boso lo bisa e seru aki: 'Hala for di aki bai p'aya,' i e lo hala; i nada lo no ta imposibel pa boso.

²¹[Ma e sorto aki no ta sali sino pa medio di orashon i yunamentu so."]

²²I mientras ku nan tabata reuni huntu na Galilea, Jesus a bisa nan: "E Yu di Hende lo wordu entrega den man di hende;

²³i nan lo mat'E, i E lo wordu lanta riba e di tres dia." I nan a bira masha tristu mes.

²⁴I ora nan a yega Kapernaum, esnan ku tabata kobra e belasting di tempel a bin serka Pedro, i a puntra: "Boso Maestro no ta paga e belasting di tempel?"

²⁵El a kontesta: "Si." I ora ku el a drenta e kas, Jesus a papia kune prome, bisando: "Kiko bo ta pensa, Simon? Ken e reinan di tera ta kobra tributo of belasting: nan yu hombernan of stranheronan?"

²⁶I ora Pedro a kontesta: "Stranheronan," Jesus a bis'e: "Kier men e yunan ta liber anto.

²⁷Ma pa nos no ofende nan, bai laman, tira anzue i kohe e prome piska ku bin ariba. I ora bo habri su boka, lo bo hana un moneda. Kohe esei duna nan pa Mi i pa bo."