Read Papantla Totonac Markos 16 Bible Online

Markos 16 - Papantla Totonac bible

Markos 16

¹I ora Sabat a pasa, Maria Magdalena i Maria, mama di Santiago, i Salome, a kumpra speserei pa nan bai ungié.

²I mainta bon tempran, riba e prome dia di siman, ora solo a sali, nan a bin na e tumba.

³I nan tabata bisa otro: "Ken lo lora e piedra kit'e for di entrada di e tumba pa nos?"

⁴I ora nan a hisa kara wak, nan a mira ku e piedra a wordu kita, apesar ku e tabata masha grandi mes.

⁵I ora nan a bai den e tumba, nan a mira un hoben, bistl na pana blanku largu, sinta na banda drechi, i nan a keda masha asombra.

⁶I el a bisa nan: "No tene miedu. Boso ta buska Jesus di Nazaret, Kende a wordu krusifika. El a resusita; E no t'aki; mira e luga kaminda nan a pon'E.

⁷Ma bai, bisa Su disipelnan i Pedro: 'E ta bai Galilea boso dilanti; ayanan boso lo mir'E, manera El a bisa boso.'"

⁸I nan a sali pafo i a hui bai for di e tumba, pasobra nan tabata tembla i tabata tur asombra; i nan no a bisa ningun hende nada, pasobra nan tabatin miedu.

⁹[Awor despues ku El a lanta mainta tempran riba e prome dia di siman, El a parese prome na Maria Magdalena, for di kende El a saka shete demono.

¹⁰El a bai i a hiba e notisia pa esnan ku tabata huntu kuné, i kendenan tabata lamenta i yora.

¹¹I ora nan a tende ku E tabata bibu i ku Maria Magdalena a mir'E, nan no kier a kere.

¹²I despues El a parese den un otro figura na dos di nan, ora ku, na pia, nan tabata na kaminda pa kunuku.

¹³I nan a bai i a hiba e notisia pa e otronan, ma esakinan tampoko no a kere nan.

¹⁴I despues El a parese na e diesunnan mes, ora nan tabata sinta na mesa, i El a reprende nan inkredulidat i duresa di kurason, pasobra nan no a kere esnan ku a mir'E despues ku El a wordu lanta.

¹⁵I El a bisa nan: "Bai den henter mundu i predika e evangelio na tur kriatura.

¹⁶Esun ku a kere i a wordu batisa lo ta salba; ma esun ku no a kere lo ta kondena.

¹⁷I e senalnan aki lo kompana esnan ku kere: den Mi nomber nan lo saka demono, nan lo papia den lenga nobo;

¹⁸nan lo kohe kolebra ku man, i si nan bebe kualkier veneno mortal, esei lo no hasi nan dano; nan lo pone man riba hende malu i esakinan lo bira bon."

¹⁹Asina anto, ora Senor Jesus a kaba di papia ku nan, El a wordu risibl ariba den shelu, i a sinta na man drechi di Dios.

²⁰I nan a sali bai i a predika tur kaminda, i Senor tabata traha huntu ku nan, i tabata konfirma e palabra pa medio di e senalnan ku tabata sigui. Amen.