Read Papantla Totonac Markos 4 Bible Online

Markos 4 - Papantla Totonac bible

Markos 4

¹I atrobe El a kuminsa sina hende kantu di laman. I a reuni asina un multitut grandi Su dilanti, ku El a bai den un boto ku tabata riba laman i a sinta den dje; i henter e multitut tabata riba tera kantu di laman.

²I E tabata sina nan hopi kos pa medio di parabola, i tabata bisa nan den Su sinansa:

³"Skucha esaki! Mira, e sembrado a sali pa sembra;

⁴i a sosode ku segun ku e tabata sembra, un parti a kai kantu di kaminda, i e parhanan a bin i a kom'e.

⁵I otro parti a kai den luga yen di piedra, kaminda no tabatin muchu tera; i mesora el a nase, pasobra e tera no tabata hundu.

⁶I despues ku solo a sali, el a kima; i pasobra e no tabatin rais, el a seka.

⁷I otro parti a kai meimei di mata di sumpina, i e matanan di sumpina a krese i a hogu'e, i e no a duna kosecha.

⁸I otronan a kai den bon tera, i segun ku nan tabata krese i bona nan tabata duna kosecha i tabata produsi trinta, sesenta i shen bes mas tantu."

⁹I El a bisa: "Esun ku tin orea pa tende, lagu'e tende."

¹⁰I ora ku E tabata Su so, Su siguidonan, huntu ku e diesdosnan, a kuminsa puntr'E tokante di e parabolanan.

¹¹I El a bisa nan: "Na boso a wordu duna e misterio di e reino di Dios; ma esnan ku ta pafo ta hana tur kos den parabola,

¹²asina ku 'mirando nan ta mira i no ta ripara, i tendiendo nan ta tende i no ta komprende, pa nan no komberti i wordu pordona.'"

¹³I El a bisa nan: "Boso no ta komprende e parabola aki? I kon anto boso lo komprende tur e parabolanan?

¹⁴E sembrado ta sembra e palabra.

¹⁵I esakinan ta esnan ku ta kantu di kaminda, unda e palabra a wordu sembra; i ora nan tende esaki, Satanas ta bin mesora i ta kita e palabra ku a wordu sembra den nan.

¹⁶I di e mesun manera esakinan ta esnan ku simia a wordu sembra riba nan den luganan yen di piedra, kendenan, ora nan tende e palabra, mesora ta risibie ku goso;

¹⁷i nan no tin rais den nan mes, ma ta temporario; i ora surgi aflikshon of persekushon pa kousa di e palabra, mesora nan ta trompeka.

¹⁸I e otronan ta esnan ku simia a wordu sembra riba nan meimei di e matanan di sumpina; esakinan ta esnan ku a tende e palabra,

¹⁹i e preokupashonnan di mundu, i e engano di rikesa, i e deseonan pa otro kosnan ta drenta i ta hoga e palabra, i e ta keda sin duna fruta.

²⁰I eseinan ta esnan ku a wordu sembra den bon tera; i nan ta tende e palabra, ta asept'e i ta duna fruta: algun trinta, algun sesenta i algun shen bes mas tantu."

²¹I El a bisa nan: "Hende no ta trese un lampi pa wordu poni bou di un kaha di midi trigo of bou di kama, no t'asina? No ta pa pone riba un kandela e ta?

²²Pasobra no tin nada skondi ku lo no wordu revela, ni nada no a keda teni sekreto ku lo no sali na kla.

²³Si un hende tin orea pa tende, lagu'e tende."

²⁴I El a bisa nan: "Mira bon kiko boso ta skucha. Ku e mesun midi ku boso midi kune, lo wordu midi pa boso, i mas ainda lo wordu duna na boso.

²⁵Pasobra esun ku tin, mas lo wordu duna na dje; i esun ku no tin, asta loke e tin lo wordu kita for di dje."

²⁶I El a bisa: "E reino di Dios ta manera un homber ku ta stroi simia riba tera;

²⁷i anochi e ta bai drumi i di dia e ta lanta, i e simia ta nase i ta krese, di ki manera e mes no sa.

²⁸Tera ta produsi fruta di su mes; prome e yerba, despues e tapushi, despues e pipitanan yen asina den e tapushi.

²⁹Ma ora ku e fruta ta hechu, mesora e ta pasa machete den dje, pasobra tempu di kosecha a yega."

³⁰I El a bisa: "Ku kiko nos lo kompara e reino di Dios, of ku kual parabola nos lo present'd?

³¹E ta manera un simia di moster ku, ora ku e wordu sembra den tera, ta mas chikitu ku tur otro simia ku tin riba tera,

³²ma despues ku el a wordu sembra, ta krese i ta bira mas grandi ku tur e matanan di hofi, i ta saka ramanan grandi, asina ku e parhanan di shelu por traha neishi den su sombra."

³³I ku hopi parabola similar E tabata papia e palabra ku nan, segun ku nan por a tende esaki; i E no a papia ku

³⁴nan sin uza parabola, ma E tabata splika tur kos na Su disipelnan ora nan tabata nan so.

³⁵I riba e mesun dia ei, ora ku a bira tardi, El a bisa nan: "Laga nos krusa bai na e otro banda."

³⁶I lagando e multitut atras nan a hib'E huntu ku nan, manera E tabata, den e boto; i tabatin otro botonan huntu

³⁷I a lanta un tempestat di bientu fuerte, i e olanan tabata dal den e boto, di tal manera ku ya e boto a kuminsa

³⁸I E tabata na sono riba e kusinchi patras den e boto; i nan a lant'E i a bis'E: "Maestro, no ta importaBo ku nos

³⁹I ora ku El a lanta, El a reprende e bientu i a bisa e laman: "Silensio, keda ketu!" I e bientu a kai i a bira kompletamente kalmo.

⁴⁰I El a bisa nan: "Pakiko boso tin miedu asina? Di kon boso no tin fe?"

⁴¹I nan a hana masha hopi miedu i un a bisa otro: "Ta ken esaki ta anto, ku asta bientu i laman ta obedes'E?"