Read Papantla Totonac Lukas 21 Bible Online

Lukas 21 - Papantla Totonac bible

Lukas 21

¹I El a hisa kara i a mira e rikunan ta tira nan ofrendanan den e kaha di ofrenda.

²I El a mira un biuda pober ta tira dos plaka di koper aden.

³I El a bisa: "Di berdat Mi ta bisa boso, e biuda pober aki a tira mas tantu aden ku nan tur;

⁴pasobra nan tur a tira pa e ofrenda for di nan abundansia, ma el a tir'aden for di su pobresa tur loke ku e tabatin pa biba di dje."

⁵I ora ku algun hende tabata papia di e tempel, ku e tabata dorna ku bunita piedra i regalo sagrado, El a bisa:

⁶"Pa loke ta e kosnan aki ku boso ta wak, e dianan lo bin den kual ni un piedra lo no keda riba otro ku lo no wordu basha abou."

⁷I nan a hasié pregunta, bisando: "Maestro, ki tempu anto e kosnan aki lo sosode? I kiko lo ta e senal ora ku e kosnan aki ta bai tuma luga?"

⁸I El a bisa: "Mira pa boso no wordu gana, pasobra hopi lo bin den Mi nomber, bisando: 'Ta ami t'E,' i: 'E tempu ta serka'; no bai nan tras.

⁹I ora boso tende di gueranan i revolushonnan, no spanta; pasobra e kosnan aki mester tuma luga prome, ma e fin no ta sigui mesora."

¹⁰E ora ei El a sigui bisa nan: "Nashon lo lanta kontra nashon, i reino kontra reino,

¹¹i lo tin temblornan grandi, i pestilensia i hamber na varios luga; i lo tin terornan i senalnan grandi for di shelu.

¹²"Ma prome ku tur e kosnan aki nan lo tira man riba boso i lo persigui boso, i entrega boso na e

¹³snoanan i prizonnan, i lo hiba boso dilanti di reinan i gobernadonan pa kousa di Mi nomber.

¹⁴Esaki lo ta un oportunidat pa boso duna testimonio.

¹⁵Propone anto den boso kurason pa no prepara padilanti kon boso lo defende boso mes, pasobra lo Mi duna

¹⁶boso boka i sabiduria ku ningun di boso oponentenan lo no por resist! ni refuta.

¹⁷Ma boso lo wordu entrega asta dor di boso mayornan i rumannan i famianan i amigunan, i nan lo mata algun

¹⁸i tur hende lo odia boso pa kousa di Mi nomber.

¹⁹Ma ni un drachi di kabei riba boso kabes lo no bai perdi.

²⁰Dor di boso perseveransia boso lo gana boso alma.

²¹"Ma ora boso mira Jerusalem rondona dor di ehersitonan, rekonose anto ku su desolashon ta serka.

²²E ora ei laga esnan ku ta na Judea hui bai na e serunan, i laga esnan ku ta meimei di e stat sali bai, i no laga den kunuku bai den stat; pasobra esakinan ta dianan di vengansa, pa tur kos ku ta para skirbi keda kumpli.

²³Ai di esnan ku ta na estado i esnan ku ta kria yu na pechu den e dianan ei; pasobra lo tin gran kalamidat den e tera, i furia riba e pueblo aki,

²⁴i nan lo kai pa medio di filo di spada, i lo wordu hiba komo prezo na tur e nashonnan; i Jerusalem lo wordu trapa dor di e paganonan te ora ku e tempunan di e paganonan keda kumpli.

²⁵"I lo tin senalnan den solo i luna i streanan, i riba tera angustia entre e nashonnan, i desesperashon pa motibu di e ronkamentu di laman i olanan;

²⁶hendenan ta desmaya di miedu i den e ekspektativa di e kosnan ku ta bin riba mundu, pasobra e podernan di e shelunan lo wordu sakudi.

²⁷I e ora ei nan lo mira e Yu di Hende ta bin den un nubia ku poder i gran gloria.

²⁸Ma ora ku e kosnan aki kuminsa tuma luga, wak ariba i lanta boso kabes, pasobra boso redenshon ta yegando serka."

²⁹I El a konta nan un parabola: "Wak e palu di figo i tur e palunan;

³⁰asina ku nan ta saka blachi, boso ta mira esei i lo sa pa boso mes ku awor zomer ta serka.

³¹Asina boso tambe, ora boso mira e kosnan aki ta sosode, sabi ku e reino di Dios ta serka.

³²"Di berdat Mi ta bisa boso, e generashon aki lo no pasa prome ku tur kos tuma luga.

³³Shelu i tera lo pasa, ma Mi palabranan lo no pasa.

³⁴"Tene kuidou pa boso kurason no ta karga pa kousa di paranda i buracheria i e preokupashonnan di bida, i e dia ei no bin direpiente riba boso manera un trampa;

³⁵pasobra e lo bin riba tur esnan ku ta biba riba superfisio di henter mundu.

³⁶Ma sea alerta tur ora bai, hasiendo orashon pa boso por tin forsa pa skapa di tur e kosnan aki ku ta bai tuma luga, i pa para dilanti di e Yu di Hende."

³⁷Awor den dia E tabata sina hende den tempel, ma anochi E tabata sali i pasa nochi riba e seru ku yama Seru di Oleifi.

³⁸I henter e pueblo tabata lanta mainta tempran pa bin serka djé den tempel pa tend'E.