Read Papantla Totonac Lukas 3 Bible Online

Lukas 3 - Papantla Totonac bible

Lukas 3

¹Awor den e di diesinku ana di e reinado di Tiberio Cesar, tempu ku Ponsio Pilato tabata gobernado di Judea, i Herodes tabata tetrarka di Galilea, i su ruman Felipe tabata tetrarka di e region di Iturea i Trakonite, i Lisanias tabata tetrarka di Abilinia,

²bou di e gran saserdosio di Anas i Kaifas, e palabra di Dios a yega na Juan, yu homber di Zakarias, den desierto.

³I el a bin den henter e distrikto ront di Jordan, predikando un boutismo di repentimentu pa pordon di pika,

⁴manera ta para skirbi den e buki di e palabranan di profeta Isaias: "Bos di un ku ta sklama den desierto: 'Prepara e kaminda di SENOR, hasi Su berehanan stret.

⁵Tur vaye lo wordu yena, i tur seru i seritu lo wordu baha, i loke ta korkoba lo bira stret, i e kamindanan malu lo bira lizu;

⁶i tur karni lo mira e salbashon di Dios.'"

⁷Pesei el a bisa e multitutnan ku tabata sali bai pa lagu'e batisa nan: "Boso, generashon di vibora, ta ken a atverti boso pa hui for di e furia ku ta bin?

⁸Pesei, duna fruta ku ta kuadra ku repentimentu, i no kuminsa bisa den boso mes: 'Nos tin Abraham komo nos tata,' pasobra mi ta bisa boso ku Dios por lanta yunan pa Abraham for di e piedranan aki.

⁹I tambe e hacha ta poni kaba na rais di e palunan; pesei tur palu ku no ta duna bon fruta ta wordu gekap i tira den kandela."

¹⁰I e multitutnan tabata hasie pregunta, bisando: "Kiko nos mester hasi anto?"

¹¹I el a kontesta i a bisa nan: "Esun ku tin dos tunika, lagu'e duna esun ku no tin; i esun ku tin kuminda, lagu'e hasi meskos."

¹²A bin algun publikano tambe pa wordu batisa, i nan a puntr'e: "Maestro, kiko nos mester hasi?"

¹³I el a bisa nan: "No kobra mas tantu di loke ta ordena na boso."

¹⁴I algun solda tabata puntr'e, bisando: "I kiko ta di nos, kiko nos mester hasi?" I el a bisa nan: "No ranka plaka kita for di ningun hende, ni kalumnia ningun hende, i keda kontentu ku boso sueldo."

¹⁵Awor mientras ku e pueblo tabata spera yen di ekspektativa i tur tabata puntra nan mes den nan kurason tokante di Juan, si e lo por ta e Cristo,

¹⁶Juan a kontesta i a bisa nan tur: "Pa loke t'ami, ami ta batisa boso ku awa, ma ta bin Un ku ta mas poderoso ku mi, i ami no ta digno pa los strep di Su sandalia; E lo batisa boso ku Spiritu Santu i kandela.

¹⁷I Su forki-pa-bienta ta den Su man pa limpia Su plenchi-di-bati-mainshi hasie limpi-limpi, i pa rekohe e trigo pone den Su mangasina; ma E lo kima e bagas ku kandela ku no ta paga nunka."

¹⁸Asina, ku hopi otro spiertamentu mas, el a predika e evangelio na e pueblo.

¹⁹Ma ora Juan a reprende Herodes, e tetrarka, pa motibu di Herodias, esposa di su ruman homber, i pa motibu di tur e otro kosnan malu ku el a hasi,

²⁰Herodes a anadi esaki tambe na tur e kosnan ei: el a sera Juan den prizon.

²¹Awor a sosode ku ora henter e pueblo a wordu batisa, Jesus tambe a wordu batisa, i mientras ku E tabata hasi orashon, shelu a habri,

²²i Spiritu Santu a baha riba djé den forma korporal, manera un palomba, i a sali un bos for di shelu: "Abo ta Mi Yu stima, den Bo Mi tin goso."

²³I tempu ku El a kuminsa Su ministerio, Jesus tabatin mas o menos trinta ana, siendo supuestamente yu homber di Jose, yu homber di Eli,

²⁴yu homber di Matat, yu homber di Levi, yu homber di Melki, yu homber di Janai, yu homber di Jose,

²⁵yu homber di Matatias, yu homber di Amos, yu homber di Nahum, yu homber di Esli, yu homber di Nagai,

²⁶yu homber di Maat, yu homber di Matatias, yu homber di Semei, yu homber di Jose, yu homber di Joda,

²⁷yu homber di Joanan, yu homber di Resa, yu homber di Zorobabel, yu homber di Salatiel, yu homber di Neri,

²⁸yu homber di Melki, yu homber di Adi, yu homber di Kosam, yu homber di Elmodam, yu homber di Er,

²⁹yu homber di Josue, yu homber di Eliezer, yu homber di Jorim, yu homber di Matat, yu homber di Levi,

³⁰yu homber di Simeon, yu homber di Juda, yu homber di Jose, yu homber di Jonan, yu homber di Eliakim,

³¹yu homber di Melea, yu homber di Mainan, yu homber di Matata, yu homber di Natan, yu homber di David,

³²yu homber di Isai, yu homber di Obed, yu homber di Boaz, yu homber di Salmon, yu homber di Nason,

³³yu homber di Aminadab, yu homber di Admin, yu homber di Aram, yu homber di Esrom, yu homber di Fares, yu homber di Juda,

³⁴yu homber di Jakob, yu homber di Isaak, yu homber di Abraham, yu homber di Tera, yu homber di Nakor,

³⁵yu homber di Serug, yu homber di Ragau, yu homber di Peleg, yu homber di Heber, yu homber di Sala,

³⁶yu homber di Kainan, yu homber di Arfaksad, yu homber di Sem, yu homber di Noe, yu homber di Lamek,

³⁷yu homber di Matusalen, yu homber di Enok, yu homber di Jared, yu homber di Mahalaleel, yu homber di Kainan,

³⁸yu homber di Enos, yu homber di Set, yu homber di Adam, yu homber di Dios.