Read Papantla Totonac Deuteronomio 13 Bible Online

Deuteronomio 13 - Papantla Totonac bible

Deuteronomio 13

¹"Si un profeta of un sonado di sono lanta meimei di boso i dunabo un senal of un milager,

²i e senal of milager ku el a papia ku bo di dje sosode, i e bisabo: 'Laga nos sigui otro diosnan (ku bo no a konose) i laga nos sirbi nan,'

³bo no mester skucha e palabranan di e profeta ei ni di e sonado di sono ei; pasobra ta SENOR boso Dios ta pone boso na prueba, pa hana sa si boso ta stima SENOR boso Dios ku henter boso kurason i ku henter boso alma.

⁴Boso mester sigui SENOR boso Dios i tin temor p'E; i boso mester warda Su mandamentunan, skucha Su bos, sirbié i pega na djé.

⁵Ma e profeta of e sonado di sono ei mester wordu mata, pasobra el a konseha rebelion kontra SENOR boso Dios, Kende a sakabo for di tera di Egipto i a librabo for di e kas di sklabitut, pa kitabo for di e kaminda ku SENOR bo Dios a mandabo kana. Asina bo mester kita e maldat for di meimei di bo.

⁶"Si bo ruman homber, yu homber di bo mama, of bo yu homber of bo yu muhe, of e esposa ku bo ta stima, of bo amigu intimo, sedusibo na sekreto, bisando: 'Laga nos ban sirbi otro diosnan' (ku ni abo ni bo tatanan no a konose,

⁷diosnan di e pueblonan ku tin ront di boso, serka di bo of leu di bo, for di esun banda di tera te na e otro banda),

⁸no konsenti kune ni skuch'e, ni wak e ku duele, ni spar e ni tapa p'e,

⁹ma siguramente bo mester mat'e; bo man mester ta prome kontra dje pa mat'e, i despues man di henter e pueblo.

¹⁰Bo mester piedr'e mata, pasobra el a trata di kitabo for di SENOR bo Dios, Kende a sakabo for di tera di Egipto, for di e kas di sklabitut.

¹¹E ora ei henter Israel lo tende i tene miedu, i nunka mas nan lo no hasi algu malu asina meimei di bo.

¹²"Si den un di bo statnan, ku SENOR bo Dios ta dunabo pa bo biba aden, bo tende nan bisa ku

¹³algun homber perverso a sali for di meimei di boso i a instiga e habitantenan di nan stat, bisando: 'Laga nos ban sirbi otro diosnan' (ku boso no a konose),

¹⁴e ora ei bo mester investiga i buska pa sa i informa profundamente. I si esaki ta berdat i e asunto ta stables! ku e abominashon aki a wordu has! meimei di boso,

¹⁵siguramente bo mester dal e habitantenan di e stat ei ku filo di spada, i destrui e stat kompletamente huntu ku tur loke tin den dje, i destrui su bakanan ku filo di spada.

¹⁶E ora ei bo mester trese tur su botin huntu meimei di e plenchi i kima e stat i tur su botin ku kandela komo un ofrenda kima kompleto na SENOR bo Dios; i esaki lo keda un ruina pa semper. Nunka mas e lo no wordu rekonstrui.

¹⁷I nada di loke ta poni bou di maldishon lo no pega na bo man, pa SENOR bira for di Su rabia ardiente, i mustra miserikordia na bo i tin kompashon di bo i multiplikabo, manera El a hura na bo tatanan,

¹⁸si bo skucha e bos di SENOR bo Dios i warda tur Su mandamentunan ku mi ta ordenabo awe i hasi tur loke ta korekto den bista di SENOR bo Dios.