Read Papantla Totonac Deuteronomio 16 Bible Online

Deuteronomio 16 - Papantla Totonac bible

Deuteronomio 16

¹"Warda luna di Abib i selebra Pasku na SENOR bo Dios, pasobra den luna di Abib SENOR bo Dios a sakabo den anochi for di Egipto.

²I ofrese e sakrifisio di Pasku na SENOR bo Dios for di e karnenan i for di e bakanan, na e luga ku SENOR skohe pa stablese Su nomber.

³No kom'e ku pan ku tin zurdeg aden; shete dia bo mester kom'e ku pan sin zurdeg, e pan di aflikshon, (pasobra den pura bo a sali for di tera di Egipto), pa henter bo bida bo rekorda e dia ku bo a sali for di tera di Egipto.

⁴Pa shete dia zurdeg no mag wordu mira den henter bo teritorio, i nada di e karni ku bo ofrese komo sakrifisio riba e anochi di e prome dia no mag keda henter anochi te mainta.

⁵"Bo no mag ofrese e sakrifisio di Pasku den ningun di bo statnan ku SENOR bo Dios ta dunabo,

⁶ma na e luga ku SENOR bo Dios skohe pa stablese Su nomber bo mester ofrese e sakrifisio di Pasku atardi ora solo ta baha, na e ora ku bo a sali for di Egipto.

⁷I kushin'e i kom'e na e luga ku SENOR bo Dios skohe. I mainta bo mester bolbe na bo tentnan.

⁸Seis dia bo mester kome pan sin zurdeg, i riba e di shete dia lo tin un asamblea solem na SENOR bo Dios; no hasi trabou riba e dia ei.

⁹"Konta shete siman pa bo mes; kuminsa konta shete siman for di e momento ku bo kuminsa pone machete na e mainshi den kunuku.

¹⁰E ora ei selebra e Fiesta di Simannan na SENOR bo Dios ku un tributo di un ofrenda boluntario di bo man, ku bo mester duna segun SENOR bo Dios ta bendishonabo;

¹¹i regosiha dilanti di SENOR bo Dios, abo, bo yu homber, bo yu muhe, bo sirbidonan homber i muhe, e levita ku ta den bo stat, e stranhero, e werfano i e biuda ku ta meimei di bo, na e luga ku SENOR bo Dios skohe pa stablese Su nomber.

¹²Korda ku bo tabata esklabu na Egipto, i perkura di kumpli ku e statutonan aki.

¹³" Selebra e F iesta di Tabernakelnan shete dia despues ku bo a rekohe kosecha for di bo plenchi-di-bati-mainshi i for di bo baki-di-pers-wendruif;

¹⁴i regosiha na bo fiesta, abo, bo yu homber, bo yu muhe, bo sirbidonan homber i muhe i e levita, e stranhero, e werfano i e biuda, kendenan ta biba den bo statnan.

¹⁵Selebra pa shete dia un fiesta na SENOR bo Dios, na e luga ku SENOR skohe, pasobra SENOR bo Dios lo bendishonabo den henter bo kosecha i den tur e trabou di bo mannan, asina ku lo bo ta berdaderamente yen di goso.

¹⁶"Tres biaha pa ana tur bo hombernan mester presenta dilanti di SENOR bo Dios na e luga ku E skohe, na e Fiesta di Pan Sin Zurdeg, na e Fiesta di Simannan i na e Fiesta di Tabernakelnan, i nan no mester presenta dilanti di SENOR man bashi.

¹⁷Tur hende mester duna manera e por, konforme e bendishon di SENOR bo Dios ku El a dunabo.

¹⁸"Nombra pa bo mes huesnan i ofisialnan den tur bo statnan ku SENOR bo Dios ta dunabo, segun bo tribunan, i nan lo huzga e pueblo ku huisio hustu.

¹⁹No trose hustisia, no hasi distinshon di persona i no asepta plaka pasa bou di mesa, pasobra plaka pasa bou di mesa ta siega wowo di e sabi i ta pervert! e palabranan di e hustu.

²⁰Sigui hustisia, i solamente hustisia, pa bo biba i podera di e tera ku SENOR bo Dios ta dunabo.

²¹"No planta pa bo mes un Asera di ningun sorto di palu banda di e altar di SENOR bo Dios, ku bo ta traha pa bo mes.

²²Tampoko no lanta pa bo mes un pilar sagrado, lokual SENOR bo Dios ta odia.