Read Papantla Totonac Deuteronomio 34 Bible Online

Deuteronomio 34 - Papantla Totonac bible

Deuteronomio 34

¹Awor Moises a subi bai di e sabananan di Moab pa Seru Nebo, na e kabes di Seru Pisga, ku ta keda enfrente di Jeriko. I SENOR a mustr'e henter e tera, for di Galaad te na Dan,

²i henter Neftali i e tera di Efrain i Manases, i henter e tera di Juda te na e Laman di Pabou,

³i Negev i e sabana den e vaye di Jeriko, e stat di palma, te na Zoar.

⁴E ora ei SENOR a bis'e: "Esaki ta e tera ku Mi a hura di duna Abraham, Isaak i Jakob, bisando: 'Lo Mi dun'e na bo desendientenan'; Mi a lagabo mir'e ku bo wowo, ma lo bo no pasa bai ayanan."

⁵Asina Moises, e sirbido di SENOR, a muri ayanan na tera di Moab, konforme e palabra di SENOR.

⁶I El a der'e den e vaye na tera di Moab, enfrente di Bet-peor; ma te dia djawe ningun hende no sa e luga kaminda e ta dera.

⁷Moises tabatin shent'i binti ana dia ku el a muri. Su wowonan nunka no a bira skur, ni e no a perde su vigor.

⁸Asina e yunan di Israel a yora Moises trinta dia largu den e sabananan di Moab; e ora ei e dianan di yoramentu i di rou pa Moises a yega na un fin.

⁹Awor Josue, yu homber di Nun, tabata yen di e spiritu di sabiduria, pasobra Moises a pone su mannan riba dje; i e yunan di Israel tabata skuch'e i tabata hasi manera SENOR a ordena Moises.

¹⁰I nunka mas a lanta un profeta na Israel manera Moises, kende SENOR a konose kara-kara,

¹¹pa motibu di tur e senalnan i maraviyanan ku SENOR a mand'e hasi na tera di Egipto kontra Farao, kontra tur su sirbidonan i kontra henter su tera,

¹²i pa motibu di henter e gran poder i pa motibu di henter e gran teror ku Moises a kumpli kune den bista di henter Israel.