Read Papantla Totonac Evangelio Segun Juan 1 Bible Online

Evangelio Segun Juan 1 - Papantla Totonac bible

Evangelio Segun Juan 1

¹Na prinsipio tabata e Palabra, i e Palabra tabata ku Dios, i e Palabra tabata Dios.

²E tabata na prinsipio ku Dios.

³Tur kos a bin na eksistensia pa medio di djé, i fuera di djé nada di loke ta eksisti no a bin na eksistensia.

⁴Den djé bida tabata, i e bida tabata e lus di hende.

⁵I e lus ta lusa den e skuridat, i e skuridat no a komprende esaki.

⁶Tabatin un homber, manda di Dios, ku tabata yama Juan.

⁷El a bin komo testigu pa e duna testimonio di e lus, pa tur kere pa medio di dje.

⁸E no tabata e lus, ma el a bin pa duna testimonio di e lus.

⁹Esaki tabata e lus berdadero, ku ta lusa tur hende ku ta bin den mundu.

¹⁰E tabata den mundu, i e mundu a wordu traha dor di djé, i e mundu no tabata konos'E.

¹¹El a bin serka esnan ku tabata di djé, i esnan ku tabata di djé no a risibié.

¹²Ma tur esnan ku a risibié, na nan El a duna e derecho pa bira yunan di Dios, esnan ku ta kere den Su nomber,

¹³ku no a nase di sanger, ni di e boluntat di karni, ni di e boluntat di hende, ma di Dios.

¹⁴I e Palabra a bira karni i a biba meimei di nos, i nos a mira Su gloria, gloria manera di e unigenito di e Tata, yen di grasia i berdat.

¹⁵Juan a duna testimonio di djé i a grita, bisando: "Esaki tabata Esun di Kende mi a bisa: 'Esun ku ta bin despues di mi ta mas ku mi, pasobra E tabata eksisti prome ku mi.'"

¹⁶Pasobra di Su plenitut nos tur a risibi, i grasia riba grasia.

¹⁷Pasobra e Lei a wordu duna pa medio di Moises; ma grasia i berdat a bin pa medio di Jesu-Cristo.

¹⁸Ningun hende no a mira Dios nunka; e Yu unigenito, Kende ta den skochi di e Tata, ta E a hasié konosi.

¹⁹I esaki ta e testimonio di Juan, ora ku e hudiunan a manda saserdotenan i levitanan for di Jerusalem serka dje pa puntr'e: "Ta ken bo ta?"

²⁰El a konfesa i no a nenga, i el a konfesa: "Ami no ta e Cristo."

²¹I nan a puntr'e: "Kiko anto? T'abo ta Elias?" I el a bisa: "Ami no ta." "T'abo ta e Profeta?" I el a kontesta: "No."

²²E ora ei nan a puntr'e: "Ta ken bo ta anto, pa nos por duna kontesta na esnan ku a manda nos? Kiko bo ta bisa di bo mes?"

²³El a bisa: "Ami ta e bos di un ku ta grita den desierto: 'Hasi e kaminda di SENOR stret,' manera profeta Isaias a bisa."

²⁴Awor nan a wordu manda dor di e fariseonan.

²⁵I nan a puntr'e i a bis'e: "Pakiko anto bo ta batisa, si bo no ta e Cristo, ni Elias, ni e Profeta?"

²⁶Juan a kontesta nan, bisando: "Mi ta batisa ku awa, ma meimei di boso tin Un ku boso no konose.

²⁷E ta Esun ku ta bin despues di mi, Kende mi no ta digno pa los strep di Su sandalia."

²⁸E kosnan aki a tuma luga na Betania na e otro banda di Jordan, kaminda Juan tabata batisa.

²⁹E siguiente dia Juan a mira Jesus ta bin serka dje i a bisa: "Ata e Lamchi di Dios ku ta kita pika di mundu!

³⁰Esaki ta Esun di kende mi a bisa: 'Despues di mi ta bin un Homber ku ta prome ku mi, pasobra E tabata eksisti prome ku mi.'

³¹I mi no tabata konos'E, ma pa E por wordu manifesta na Israel, mi a bin ta batisa ku awa."

³²I Juan a duna testimonio, bisando: "Mi a mira e Spiritu ta baha for di shelu manera un palomba, i El a keda riba djé.

³³Mi no tabata konos'E, ma Esun ku a mandami batisa ku awa a bisami: 'Esun ku bo mira e Spiritu baha i keda riba djé, ta esaki ta Esun ku ta batisa ku Spiritu Santu.'

³⁴I mi a mira i a duna testimonio ku esaki ta e Yu di Dios."

³⁵I e siguiente dia Juan tabata para einan atrobe ku dos di su disipelnan.

³⁶I ora ku el a mira Jesus ta pasa, el a bisa: "Ata e Lamchi di Dios!"

³⁷I e dos disipelnan a tend'e papia i nan a sigui Jesus.

³⁸I Jesus a drai wak i a mira ku nan tabata siguié, i a bisa nan: "Ta kiko boso ta buska?" I nan a kontest'E: "Rabi (ku tradusi ta nifika Maestro), na unda Bo ta keda?"

³⁹El a bisa nan: "Bin i boso lo mira." Asina nan a bai i a mira na unda E tabata keda. I nan a keda e dia ei serka djé, pasobra tabata mas o menos kuat'or di atardi.

⁴⁰Un di e dosnan ku a tende Juan papia, i ku a siguié, tabata Andres, ruman homber di Simon Pedro.

⁴¹Prome el a topa su mes ruman homber Simon i a bis'e: "Nos a hana e Mesias" (ku tradusi ta nifika Cristo).

⁴²El a hib'e serka Jesus. Jesus a wak e i a bisa: "Abo ta Simon, yu homber di Jonas; lo bo wordu yama Sefas"

⁴³E siguiente dia Jesus a disidi di bai Galilea, i El a hana Felipe i a bis'e: "SiguiMi!"

⁴⁴Awor Felipe tabata di Betsaida, e stat di Andres i Pedro.

⁴⁵Felipe a hana Natanael i a bis'e: "Nos a hana Esun di Kende Moises a skirbi den e Lei i di Kende e Profetanan tambe a skirbi-- Jesus di Nazaret, yu di Jose."

⁴⁶I Natanael a puntr'e: "Por sali algu bon for di Nazaret?" Felipe a bis'e: "Bin i mira."

⁴⁷Jesus a mira Natanael ta bin serka djé i a bisa di dje: "Ata un berdadero israelita, den kende no tin mentira!"

⁴⁸Natanael a puntr'E: "Di unda Bo konosemi?" Jesus a kontesta i a bis'e: "Prome ku Felipe a yamabo, ora bo tabata bou di e palu di figo, Mi a mirabo."

⁴⁹Natanael a kontest'E: "Rabi, Abo ta e Yu di Dios; Abo ta e Rei di Israel."

⁵⁰Jesus a kontesta i a bis'e: "Ta pasobra Mi a bisabo ku Mi a mirabo bou di e palu di figo, bo ta kere? Lo bo mira kosnan mas grandi ku esakinan."

⁵¹I El a bis'e: "Di berdat, di berdat, Mi ta bisa boso, boso lo mira e shelunan habri i e angelnan di Dios ta subi baha riba e Yu di Hende."