Read Papantla Totonac Echonan di Apostel 28 Bible Online

Echonan di Apostel 28 - Papantla Totonac bible

Echonan di Apostel 28

¹I despues di a yega sano i salvo, nos a hana sa ku e isla tabata yama Malta.

²I e nativonan a trata nos ku karino eksepshonal, pasobra pa motibu di e awaseru ku a kuminsa kai i pa motibu di friu, nan a sende un kandela i a invita nos tur pa hala serka.

³Ma ora Pablo a piki un boshi di palu seku pone riba e kandela, un vibora a sali for di dje pa motibu di e kalor i a dal pega na su man.

⁴I ora ku e nativonan a mira e bestia ta kologa na su man, nan a kuminsa bisa otro: "Sin duda e homber aki ta un matado, i no opstante ku el a skapa for di laman, hustisia no a permitie biba."

⁵Ma el a sakudi e bestia lagu'e kai den e kandela, i nada no a pas'e.

⁶Ma nan tabata spera ku e lo a hincha of direpiente dal abou morto. Ma ora nan a spera basta ratu i no a mira nada strano pasa kune, nan a kambia di idea i a kuminsa bisa ku e tabata un dios.

⁷Awor den besindario di e luga ei tabatin terenonan ku tabata pertenese na e homber prinsipal di e isla, kende tabata yama Publio, i kende a risibi nos i a entretene nos karinosamente durante di tres dia.

⁸I a sosode ku e tata di Publio tabata drum! malu ku keintura i disenteria; i Pablo a drenta bai mir'e i despues ku el a hasi orashon, el a pone su mannan riba dje i a kur'e.

⁹I despues ku esaki a sosode, e otro hendenan di e isla ku tabatin malesanan tabata bin serka dje i tabata wordu kura.

¹⁰I nan a onra nos tambe ku hopi muestranan di respet i ora nos tabata hisa bela pa bai, nan a duna nos tur loke nos tabatin mester.

¹¹I despues di tres luna nos a nabega sali riba un barku alehandrino, ku a pasa wenter na e isla i ku tabatin e Rumannan Morocho komo kabes di proa.

¹²I ora nos a yega Sirakusa, nos a keda einan tres dia.

¹³I for di einan nos a nabega pasa ront di e isla i a yega Regio, i un dia despues un bientu di suit a lanta i riba e di dos dia nos a yega Puteoli.

¹⁴Ayanan nos a hana algun ruman i nos a wordu invita pa keda shete dia serka nan; i asina nos a yega Roma.

¹⁵I e rumannan, ora nan a tende di nos, a bin for di einan te na e Foro di Apio i e Tres Posadanan pa kontra ku nos; i ora Pablo a mira nan, el a gradisi Dios i a hana animo.

¹⁶I ora nos a yega Roma, a wordu permit! na Pablo pa keda biba riba su mes, huntu ku e solda ku tabata vigil'e.

¹⁷I a sosode ku despues di tres dia Pablo a yama e lidernan di e hudiunan huntu; i ora nan a bin huntu, el a bisa nan: "Rumannan, ounke mi no a hasi nada kontra nos pueblo, ni kontra e kustumbernan di nos tatanan, tog for di Jerusalem mi a wordu entrega komo prezo den man di e romanonan.

¹⁸I despues ku nan a tendemi, nan tabata kier a ponemi den libertat, pasobra no tabatin ningun motibu pa matami.

¹⁹Ma ora ku e hudiunan a opone, mi a hanami obliga di apela na Cesar; no ku mi tabatin ningun akusashon kontra mi nashon.

²⁰Pa e motibu aki anto mi a pidi pa mira boso i pa papia ku boso, pasobra mi ta mara ku e kadena aki pa motibu di e speransa di Israel."

²¹I nan a bis'e: "Nos no a risibi ningun karta for di Judea tokante di bo, ni ningun di e rumannan no a bin aki, ni a trese notisia, ni a papia nada malu di bo.

²²Ma nos ta desea di tende di bo kiko bo punto di bista ta; pasobra enkuanto e sekta aki, nos sa ku e ta wordu kontradisi tur kaminda."

²³I ora nan a pone un dia p'e, nan a bin na kantidat grandi serka dje kaminda e tabata hospeda; i e tabata splika nan dor di duna testimonio tokante di e reino di Dios, i tabata trata di konvense nan tokante di Jesus, tantu for di e Lei di Moises komo for di e Profetanan, for di mainta te atardi.

²⁴I algun tabata wordu konvensi dor di loke a wordu bisa, ma otronan no kier a kere.

²⁵I sin por a yega na un akuerdo ku otro, nan a kuminsa bai, despues ku Pablo a papia esun palabra aki: "Ku rason Spiritu Santu a papia pa medio di profeta Isaias ku boso tatanan,

²⁶bisando: 'Bai serka e pueblo aki i bisa: "Boso lo sigui skucha, ma lo no komprende; i boso lo sigui mira, ma lo no ripara.

²⁷Pasobra kurason di e pueblo aki a bira insensibel, i ku nan orea apenas nan ta tende, i nan a sera nan wowo, pa nan no mira ku nan wowo, ni tende ku nan orea, ni komprende ku nan kurason i komberti, i Ami kura nan."'

²⁸"Sabi anto, ku e salbashon aki di Dios a wordu manda na e paganonan, i nan tambe lo skucha."

²⁹[I ora ku el a kaba di papia e palabranan aki, e hudiunan a bai i tabatin un diskushon grandi entre nan.]

³⁰I Pablo a keda dos ana kompleto den su kas ku e mes a hur, i tabata risibi tur ku tabata bin serka dje,

³¹i e tabata predika e reino di Dios, i tabata sina e hendenan enkuanto Senor Jesu-Cristo ku tur frankesa i sin ningun strobashon.