Read Papantla Totonac Romanonan 16 Bible Online

Romanonan 16 - Papantla Totonac bible

Romanonan 16

¹Mi ta rekomenda na boso nos ruman muhe Febe, kende ta un sirbiente di e iglesia na Senkrea,

²pa boso risibie den Senor na un manera digno di e santunan, i pa boso yud'e den kualkier asunto ku e por tin mester di boso; pasobra e mes tambe tabata un yudansa pa hopi hende, i pa mi mes tambe.

³Saluda Prisila i Akila, mi kompaneronan-di-trabou den Cristo Jesus,

⁴kendenan a riska nan bida pa mi, na kendenan no solamente ami ta duna gradisimentu, ma tambe tur e iglesianan di e paganonan.

⁵Saluda tambe e iglesia na nan kas. Saluda Epeneto, mi stima, kende ta esun di prome ku a komberti na Cristo na Asia.

⁶Saluda Maria, kende a traha duru pa boso.

⁷Saluda Androniko i Junias, mi parientenan i mi kompaneronan di den prizon, kendenan ta hombernan distingui entre e apostelnan, kendenan tambe tabata den Cristo prome ku mi.

⁸Saluda Amplias, mi stima den Senor.

⁹Saluda Urbano, nos kompanero-di-trabou den Cristo, i Estakis, mi stima.

¹⁰Saluda Apeles, kende ta aproba den Cristo. Saluda esnan ku ta pertenese na kas di Aristobulo.

¹¹Saluda Herodion, mi pariente. Saluda esnan ku ta pertenese na kas di Narsiso, kendenan ta den Senor.

¹²Saluda Trifena i Trifosa, trahadonan den Senor. Saluda Persida, e ruman stima, kende a traha duru den Senor.

¹³Saluda Rufus, un homber skohi den Senor, tambe su mama, kende ta un mama pa mi tambe.

¹⁴Saluda Asinkrito, Flegonte, Hermes, Patrobas, Hermas i e rumannan huntu ku nan.

¹⁵Saluda Filologo i Julia, Nereo i su ruman muhe, i Olimpas, i tur e santunan ku ta huntu ku nan.

¹⁶Saluda otro ku un sunchi santu. Tur e iglesianan di Cristo ta saluda boso.

¹⁷Awor mi ta roga boso, rumannan, tene na bista esnan ku ta kousa divishon i strobashon kontrario na e sinansa ku boso a hana, i aparta boso for di nan.

¹⁸Pasobra sorto di hendenan asina ta esklabu, no di nos Senor Cristo, ma di nan mes apetit; i ku nan palabranan suave i agradabel nan ta gana kurason di e inosentenan.

¹⁹Pasobra e notisia di boso obedensia a yega na tur hende; pesei mi ta regosiha pa boso motibu, ma mi kier p a boso ta sabi den loke ta bon, i inosente den loke ta malu.

²⁰I e Dios di pas pronto lo plecha Satanas bou di boso pia. E grasia di nos Senor Jesus sea ku boso.

²¹Timoteo, mi kompanero-di-trabou, ta saluda boso, i tambe Lusio, Jason i Sosipater, mi parientenan.

²²Ami, Tertio, kende ta skirbi e karta aki, ta saluda boso den Senor.

²³Gayo, di kende su hospitalidat ami i henter iglesia ta disfruta, ta saluda boso. Erasto, e tesorero di stat, ta saluda boso, i e ruman Kuarto.

²⁴[E grasia di nos Senor Jesu-Cristo sea ku boso tur. Amen.]

²⁵Awor na Esun ku tin poder pa stablese boso segun mi evangelio i e predikamentu di Jesu-Cristo--segun revelashon di e misterio ku a wordu tern sekreto pa siglonan largu,

²⁶ma ku awor ta revela, i pa medio di e Skrituranan di e profetanan segun e mandamentu di e Dios eterno, a wordu hasi konosi na tur e nashonnan pa e obedensia di fe--

²⁷na e uniko Dios sabi sea gloria pa medio di Jesu-Cristo pa semper. Amen.