Read Papantla Totonac Romanonan 2 Bible Online

Romanonan 2 - Papantla Totonac bible

Romanonan 2

¹Pesei bo no tin ekskus, kada un di boso ku ta huzga otro, pasobra den loke bo ta huzga un otro, bo ta kondena bo mes; pasobra abo ku ta huzga ta praktika e mesun kosnan.

²I nos sa ku e huisio di Dios, segun e berdat, ta kontra esnan ku ta praktika kosnan asina.

³I bo ta kere esaki, O hende, ku ora bo ta huzga esnan ku ta praktika kosnan asina, i abo mes ta hasi meskos, ku lo bo skapa e huisio di Dios?

⁴Of bo ta menospresia e rikesa di Su karino, toleransia i pasenshi, sin sa ku e karino di Dios ta hibabo na repentimentu?

⁵Ma pa motibu di bo kapricho i bo kurason ku no ta repenti bo ta montona furia pa bo mes den e dia di furia i revelashon di e huisio hustu di Dios,

⁶Kende lo paga kada hende segun su obranan:

⁷na esnan ku, perseverando den hasimentu di bon, ta buska gloria i onor i inmortalidat--bida eterno;

⁸ma na esnan ku ta buska nan propio interes so i no ta obedese e berdat, ma ta obedese inhustisia--furia i indignashon.

⁹Lo tin tribulashon i angustia pa kada alma di hende ku ta hasi maldat, di hudiu prome i tambe di griego,

¹⁰ma gloria i onor i pas pa kada hende ku ta hasi bon, pa hudiu prome i tambe pa griego.

¹¹Pasobra no tin distinshon di persona serka Dios.

¹²Pasobra tur ku a peka sin Lei lo perese tambe sin Lei; i tur ku a peka bou di Lei lo wordu huzga dor di Lei;

¹³pasobra no ta e tendedonan di Lei ta hustu dilanti di Dios, sino e kumplidonan di Lei lo wordu hustifika.

¹⁴Pasobra ora paganonan, kendenan no tin Lei, di naturalesa ta hasi e kosnan di Lei, esakinan, ounke nan no tin Lei, ta un lei pa nan mes,

¹⁵dor ku nan ta mustra e obra di Lei ku ta skirbi den nan kurason, nan konsenshi dunando testimonio, i nan pensamentunan akusando of defendiendo nan,

¹⁶riba e dia ku Dios lo huzga e sekretonan di hende pa medio di Cristo Jesus, segun mi evangelio.

¹⁷Ma si bo ta karga e nomber "hudiu," i ta depende riba e Lei, i ta gaba di bo relashon ku Dios,

¹⁸i ta konose Su boluntat, i ta aproba e kosnan ku ta esensial, siendo instrui for di Lei,

¹⁹i ta sigur ku bo mes ta un guiado di siegu, un lus pa esnan ku ta den skuridat,

²⁰un instruktor di hende bobo, un sinado di mucha chikitu, abo ku tin den e Lei e forma di konosementu i berdat,

²¹anto abo, ku ta sina un otro, bo no ta sina bo mes? Abo ku ta predika ku hende no mester horta, bo mes ta horta?

²²Abo ku ta bisa ku hende no mester komete adulterio, bo mes ta komete adulterio? Abo ku ta aborese ldolo, bo mes ta roba tempel?

²³Abo ku ta gaba ku bo konose Lei, bo ta desonra Dios dor di kibra Lei?

²⁴Pasobra "E nomber di Dios ta wordu blasfema meimei di e paganonan pa boso motibu," manera ta para skirbi.

²⁵Pasobra di berdat sirkumsishon ta di balor, si bo ta praktika Lei; ma si bo ta un transgresor di Lei, bo sirkumsishon a bira insirkumsishon.

²⁶Pesei, si e homber insirkumsida kumpli ku e eksigensianan di Lei, su insirkumsishon lo no wordu konsidera komo sirkumsishon?

²⁷I esun ku ta insirkumsida fisikamente, si e warda Lei, lo e no huzga abo ku, maske bo tin e leter di Lei i sirkumsishon, ta un transgresor di Lei?

²⁸Pasobra no ta esun ku ta hudiu di pafo, ta hudiu; ni sirkumsishon no ta loke ta wordu hasi di pafo na e karni.

²⁹Ma hudiu ta esun ku ta hudiu di paden; i sirkumsishon ta esun di kurason, segun e Spiritu, no segun e leter. Un hende asina su elogio no ta bin di hende sino di Dios.