Read Papantla Totonac 1 Korintionan 10 Bible Online

1 Korintionan 10 - Papantla Totonac bible

1 Korintionan 10

¹Pasobra mi no kier, rumannan, pa boso keda sin sa ku nos tatanan tur tabata bou di e nubia i tur a pasa dor di e laman;

²i tur a wordu batisa den Moises den e nubia i den e laman;

³i tur a kome e mesun kuminda spiritual;

⁴i tur a bebe e mesun bibida spiritual, pasobra nan tabata bebe for di un baranka spiritual ku tabata sigui nan; i e baranka tabata Cristo.

⁵Sinembargo, mayoria di nan no tabata agrada Dios, pasobra nan kadavernan a keda benta tur kaminda den desierto.

⁶Awor e kosnan aki a sosode komo ehempel pa nos, pa nos no tin deseo pa kosnan malu, manera nan tabatin.

⁷I no sea adorado di ldolo, manera algun di nan tabata. Manera ta para skirbi: "E pueblo a kai sinta abou pa kome i bebe, i a lanta para pa gosa di nan bida."

⁸I no laga nos komete inmoralidat seksual, manera algun di nan a hasi, i bint'i tres mil a kai riba un solo dia.

⁹I no laga nos tenta Senor, manera algun di nan a hasi i a wordu destrui dor di kolebra.

¹⁰I no murmura, manera algun di nan a hasi i a wordu destrui dor di e destruido.

¹¹Awor e kosnan aki a sosode ku nan komo un ehempel, i nan a wordu skirbi komo un spiertamentu pa nos, riba kendenan e finnan di e siglonan a bin.

¹²Pesei, laga esun ku ta kere ku e ta para tene kuidou pa e no kai.

¹³Ningun tentashon, fuera di loke tur hende ta pasa aden, no a bin riba boso; i Dios ta fiel, Kende lo no permiti pa boso wordu tenta mas ku boso por soporta, ma huntu ku e tentashon E lo provee salida tambe, pa boso por soporta.

¹⁴Pesei, mi stimanan, hui for di idolatria.

¹⁵Ta ku hende huisioso mi ta papia; boso huzga loke mi ta bisa.

¹⁶E kopa di bendishon ku nos ta bendishona, no ta un komunion e ta den e sanger di Cristo? E pan ku nos ta kibra, no ta un komunion e ta den e kurpa di Cristo?

¹⁷Pasobra nos, siendo hopi, ta un pan i un kurpa; pasobra nos tur ta tuma parti na esun pan ei.

¹⁸Wak e nashon di Israel; no ta esnan ku ta kome e sakrifisionan tin komunion na e altar?

¹⁹Kiko mi kier men anto? Ku un kos sakrifika na ldolo ta algu, of ku un ldolo ta algu?

²⁰No, ma ami ta bisa ku e kosnan ku e paganonan ta sakrifika, nan ta sakrifika na demono i no na Dios; i mi no kier pa boso tin komunion ku demono.

²¹Boso no por bebe e kopa di Senor i e kopa di demononan; boso no por tuma parti na e mesa di Senor i na e mesa di demononan.

²²Of ta proboka nos ta proboka Senor pa hasié bira yalurs? Akaso nos ta mas fuerte kuné?

²³Tur kos ta permiti, ma no ta tur kos ta kumbini. Tur kos ta permiti, ma no ta tur kos ta edifika.

²⁴No laga ningun hende buska su mes interes, sino esun di su prohimo.

²⁵Kome tur loke ta wordu bendi na marshe-di-karni, sin hasi pregunta pa motibu di konsenshi;

²⁶pasobra tera ta di SENOR, i tur loke ku e ta kontene.

²⁷Si un di e inkredulonan kombida boso, i boso tin gana di bai, kome tur loke ta wordu poni boso dilanti, sin hasi pregunta pa motibu di konsenshi.

²⁸Ma si un hende bisa boso: "Esaki ta karni sakrifika na ldolo," no kom'e, pa motibu di esun ku a bisabo, i pa motibu di konsenshi;

²⁹mi no kier men bo mes konsenshi, ma esun di e otro; pasobra pakiko mi libertat ta wordu huzga dor di konsenshi di un otro?

³⁰Si mi ta tuma parti ku gradisimentu, pakiko mi ta wordu kalumnia pa lokual mi ta duna gradisimentu?

³¹Asina anto, sea ku boso ta kome of bebe of kiko ku boso ta hasi, hasi tur pa e gloria di Dios.

³²No duna ofensa ni na hudiu ni na griego ni na e iglesia di Dios;

³³meskos ku ami tambe ta komplase tur hende den tur kos, sin buska mi mes probecho, ma e probecho di hopi hende, pa nan por wordu salba.