Read Papantla Totonac 1 Korintionan 13 Bible Online

1 Korintionan 13 - Papantla Totonac bible

1 Korintionan 13

¹Maske mi papia lenga di hende i di angel, ma mi no tin amor, mi a bira manera un gong ku ta zona of un simbal ku ta resona.

²I si mi tin don di profesia i ta komprende tur misterio i tur konosementu; i si mi tin tur fe pa kita serunan for di nan luga, ma mi no tin amor, mi no ta nada.

³I si mi duna tur mi propiedat pa duna e pobernan di kome, i si mi entrega mi kurpa pa wordu kima, ma mi no tin amor, esei no ta sirbimi di nada.

⁴Amor tin pasenshi, amor ta karinoso i no ta yalurs; amor no ta gaba, i no ta arogante,

⁵e no ta komporta su mes indesente; e no ta buska su propio interes, e no ta wordu proboka, e no ta warda renkor,

⁶e no ta regosiha den inhustisia, ma ta regosiha den e berdat;

⁷tur kos e ta tapa, tur kos e ta kere, tur kos e ta spera, tur kos e ta soporta.

⁸Amor nunka no ta faya; ma pa loke ta donnan di profesia, nan lo wordu kita; pa loke ta lenganan, eseinan lo stop; pa loke ta konosementu, esei lo wordu kita.

⁹Pasobra nos ta komprende pa un parti, i nos ta profetisa pa un parti;

¹⁰ma ora loke ta perfekto bin, loke ta pa un parti lo wordu kita.

¹¹Tempu mi tabata mucha, mi tabata papia manera mucha, pensa manera mucha, rasona manera mucha; ma awor ku mi a bira homber, mi a pone kos di mucha un banda.

¹²Pasobra awor nos ta mira den un spil, skur asina, ma e ora ei nos lo mira kara-kara; awor mi konose pa un parti, ma e ora ei lo mi konose kompletamente, meskos ku ami tambe a wordu konosi kompletamente.

¹³Ma awor ta keda fe, speransa, amor, e tresnan aki; ma esun di mas ekselente di esakinan ta amor.