Read Papantla Totonac 1 Korintionan 16 Bible Online

1 Korintionan 16 - Papantla Totonac bible

1 Korintionan 16

¹Awor tokante di e ofrenda pa e santunan, boso hasi meskos ku mi a ordena e iglesianan na Galasia.

²Riba e prome dia di siman laga kada un di boso pone algu un banda i spar esaki, segun ku e prospera, pa no tin mester di rekohe ofrenda ora mi yega.

³I ora mi yega, tur esnan ku boso aproba, eseinan lo mi manda ku karta pa hiba boso donashon na Jerusalem;

⁴i si ta kumbini pa mi mes bai tambe, nan lo bai huntu ku mi.

⁵Ma lo mi bin serka boso despues ku mi pasa dor di Masedonia, pasobra mi ta bai pasa dor di Masedonia;

⁶i kisas lo mi keda serka boso, of asta pasa wenter, pa boso por yudami sigui mi biahe, unda ku mi bai.

⁷Pasobra mi no kier bishita boso awor djis di paso; pasobra mi ta spera di keda serka boso pa algun tempu, si Senor permit!

⁸Ma lo mi keda na Efeso te Pentekoste;

⁹pasobra a habri pa mi un porta hanchu i efikas, i tin hopi atversario.

¹⁰Awor si Timoteo bin, mira pa e keda serka boso sin temor, pasobra e ta hasiendo e trabou di Senor, meskos ku ami tambe.

¹¹Pesei, no laga ningun hende menospresi'e. Ma despedi di dje na pas, pa e por bin serka mi, pasobra mi ta sper'e huntu ku e rumannan.

¹²Ma tokante di nos ruman Apolos, mi a enkurash'e masha pa bin ku e rumannan serka boso; ma di ningun manera no tabata su deseo pa bin awor, ma e lo bin ora ku e tin oportunidat.

¹³Sea alerta, para firme den fe, aktua manera homber, sea fuerte.

¹⁴Laga tur loke boso hasi wordu hasi ku amor.

¹⁵Awor mi ta roga boso, rumannan (boso konose e hendenan di kas di Stefanas, ku nan tabata e prome frutanan di Akaya, i ku nan a dedika nan mes na e sirbishi di e santunan),

¹⁶pa boso tambe sea someti na hombernan asina i na tur ku ta yuda den e obra, i ku ta traha.

¹⁷I mi ta regosiha den e binida di Stefanas i Fortunato i Akaiko, pasobra nan a kompleta loke tabata falta di boso parti.

¹⁸Pasobra nan a refreska mi spiritu i esun di boso. Pesei, rekonose hombernan asina.

¹⁹E iglesianan di Asia ta saluda boso. Akila i Prisila ta manda un kordial saludo pa boso den Senor, huntu ku e iglesia ku ta na nan kas.

²⁰Tur e rumannan ta saluda boso. Saluda otro ku un sunchi santu.

²¹E saludo aki ta skirbi ku mi propio man--Pablo.

²²Si tin hende ku no ta stima Senor, lagu'e ta maldishona. Maranata.

²³E grasia di Senor Jesu-Cristo sea ku boso.

²⁴Mi amor sea ku boso tur den Cristo Jesus. Amen.