Read Papantla Totonac 1 Korintionan 5 Bible Online

1 Korintionan 5 - Papantla Totonac bible

1 Korintionan 5

¹Awor a wordu bisa ku tin inmoralidat meimei di boso, i inmoralidat di tal forma ku no ta eksisti ni meimei di e paganonan, ku un homber ta biba ku esposa di su tata.

²I boso a bira arogante! No t'asina ku mas bien ta lamenta boso mester a lamenta, pa esun ku a komete e echo aki wordu kita for di meimei di boso?

³Pasobra ami, di mi parti, ounke ousente den kurpa ma presente den spiritu, a huzga kaba esun ku a komete e kos aki, komo si fuera mi tabata presente.

⁴Den e nomber di nos Senor Jesus, ora boso ta reuni, i ami huntu ku boso den spiritu, ku e poder di nos Senor Jesus,

⁵mi a disidi di entrega un hende asina na Satanas pa destrukshon di su karni, pa su spiritu wordu salba den e dia di Senor Jesus.

⁶Boso gabamentu no ta sirbi. Boso no sa ku un tiki zurdeg ta hasi henter e mansa bira zur?

⁷Pesei, saka e zurdeg bieu afo, pa boso por bira un mansa nobo, sin zurdeg, manera boso ta di berdat. Pasobra Cristo, nos Pasku, tambe a wordu sakrifika.

⁸Pesei, laga nos selebra e fiesta, no ku zurdeg bieu, ni ku e zurdeg di malisia i maldat, ma ku e pan sin zurdeg di sinseridat i berdat.

⁹Den mi karta mi a skirbi boso pa no asosia ku hende inmoral;

¹⁰ni un momento so mi no tabata kier men pa no asosia ku e hendenan inmoral di e mundu aki, of ku e golosnan pa plaka i estafadonan, of ku adoradonan di diosnan falsu, sino e ora ei boso lo tin di sali for di mundu.

¹¹Ma awor mi a skirbi boso pa no asosia ku ningun hende ku ta ruman pa nomber, si e ta un hende inmoral, of golos pa plaka, of un adorado di dios falsu, of un blasfemado, of un burache, of un estafado--pa ni kome mes huntu ku un hende asina.

¹²Pasobra kiko mi tin di aber ku huzgamentu di esnan ku ta pafo? Boso no ta huzga esnan ku ta den iglesia?

¹³Ma esnan ku ta pafo, ta Dios ta huzga nan. Saka e homber malbado for di meimei di boso.