Read Papantla Totonac 2 Korintionan 12 Bible Online

2 Korintionan 12 - Papantla Totonac bible

2 Korintionan 12

¹Gabamentu ta nesesario, maske ku esaki no ta di probecho; ma lo mi sigui awor ku vishonnan i revelashonnan di Senor.

²Mi konose un hende den Cristo ku dieskuater ana pasa--sea den kurpa, mi no sa, of pafo di kurpa, mi no sa, Dios sa--e hende aki a wordu hiba den e terser shelu.

³I mi sa kon e hende aki--sea den kurpa of pafo di kurpa, mi no sa, Dios sa--

⁴a wordu hiba den Paraiso i a tende palabranan ku no por wordu ekspresa, kualnan no ta permit! pa hende papia.

⁵Di un hende asina lo mi gaba, ma di mi mes lo mi no gaba, sino solamente di mi debilidatnan.

⁶Pasobra si mi kier gaba, lo mi no hasi kos di bobo, pasobra lo mi papia e berdat; ma mi ta laga esaki, pa asina ni un hende no pensa mas di mi di loke e ta mira ku mi ta, of ku e ta tende for di mi.

⁷I pa motibu di e grandesa sobresaliente di e revelashonnan, pa e motibu aki, pa wardami di no halsa mi mes, a wordu duna na mi un sumpina den karni, un mensahero di Satanas pa boftami--pa wardami di no halsa mi mes!

⁸Enkuanto e kos aki mi a roga Senor tres biaha pa esaki por kita for di mi.

⁹I El a bisami: "Mi grasia ta basta pa bo, pasobra Mi poder ta wordu hasi perfekto den debilidat." Pesei, gustosamente lo mi prefera di gaba den mi debilidatnan, pa e poder di Cristo por biba den mi.

¹⁰Pesei, pa kousa di Cristo mi tin plaser den debilidat, den insulto, den sufrimentu, den persekushon, den problema; pasobra ora mi ta debil, e ora ei mi ta fuerte.

¹¹Mi a bira bobo; ta boso mes a obligami. En realidat mi mester a wordu rekomenda dor di boso, pasobra den ningun sentido mi no tabata inferior na e "super-apostelnan," apesar ku mi no ta nada.

¹²E senalnan di un apostel berdadero a wordu hasi meimei di boso ku tur perseveransia, pa medio di senalnan i maraviyanan i milagernan.

¹³Pasobra den ki sentido boso a wordu trata inferior na e otro iglesianan, sino den e sentido ku ami mes no a bira un karga pa boso? Pordonami e eror aki!

¹⁴Ata pa di tres biaha mi ta kla pa bin serka boso, i lo mi no ta un karga pa boso; pasobra mi no ta buska loke ta di boso, ma boso mes; pasobra yunan no tin e responsabilidat di spar pa nan mayornan, sino mayornan pa nan yunan.

¹⁵I gustosamente lo mi gasta loke mi tin i duna mi mes pa boso alma. Ounke ta parse ku mas mi ta stima boso, menos boso ta stimami.

¹⁶Di tur manera, mi no tabata un karga pa boso; sinembargo, siendo un homber astuto, mi a kohe boso ku engano.

¹⁷Akaso mi a probecha di boso dor di algun di esnan ku mi a manda serka boso?

¹⁸Mi a roga Tito pa bai i a manda e ruman huntu kune; Tito tampoko no a probecha di boso, no t'asina? Nos no a komporta nos mes den e mesun spiritu i a kana den e mesun pasonan?

¹⁹Tur e tempu aki boso tabata kere ku nos ta defende nos mes serka boso. En realidat, ta den bista di Dios nos a papia den Cristo; i tur esaki pa boso edifikashon, stimanan.

²⁰Pasobra mi tin miedu ku kisas ora mi yega lo mi no hana boso manera mi ta desea, i ku boso lo no hanami manera boso ta desea; ku kisas por tin pleitu, envidia, rabia, divishon, kalumnia, redashi, arogansia, desordu;

²¹mi tin miedu ku ora mi bolbe mi Dios lo umiyami dilanti di boso, i ku lo mi tin di yora pa hopi di esnan ku a peka den pasado i ku no a repenti di e impuresa, e inmoralidat i e sensualidat ku nan a praktika.