Read Papantla Totonac 2 Korintionan 13 Bible Online

2 Korintionan 13 - Papantla Totonac bible

2 Korintionan 13

¹Esaki ta e di tres biaha ku mi ta bin serka boso. "Riba testimonio di dos of tres testigu tur asunto mester keda konfirma."

²Mi a bisa antes, tempu ku mi tabata einan pa di dos biaha, i ounke awor aki mi ta ousente, mi ta bisa adelanta na esnan ku a peka den pasado i na tur e otronan tambe, ku si mi bin atrobe, lo mi no spar ningun hende,

³komo ku boso ta buska prueba di e Cristo ku ta papia den mi, Kende no ta debil pa ku boso, ma poderoso den boso.

⁴Pasobra ounke El a wordu krusifika pa motibu di debilidat, tog E ta biba pa motibu di e poder di Dios. Pasobra nos tambe ta debil den djé, tog nos lo biba huntu kuné pa motibu di e poder di Dios pa ku boso.

⁵Samina boso mes pa wak si boso ta den e fe; samina boso mes! Of boso no ta rekonose esaki di boso mes, ku Jesu-Cristo ta den boso--a menos ku di berdat boso a wordu desaproba?

⁶Ma mi ta konfia ku boso lo realisa ku nos no a wordu desaproba.

⁷Awor nos ta pidi Dios pa boso no hasi nada malu; no pa nos mes parse aproba, ma pa boso hasi loke ta bon, maske nos por parse di ta desaproba.

⁸Pasobra nos no por hasi nada kontra e berdat, sino solamente pa e berdat.

⁹Pasobra nos ta regosiha ora nos mes ta debil, ma boso ta fuerte; esaki nos ta pidi tambe, pa boso wordu hasi perfekto.

¹⁰Pa e motibu aki mi ta skirbi e kosnan aki mientras ku mi ta ousente, pa ora mi ta presente mi no tin mester di ta severo, di akuerdo ku e outoridat ku Senor a dunami, pa edifikashon i no pa destrukshon.

¹¹Por ultimo, rumannan, regosiha, sea perfekto, konsola boso, sea di akuerdo ku otro, biba na pas; i e Dios di amor i di pas lo ta ku boso.

¹²Saluda otro ku un sunchi santu.

¹³Tur e santunan ta saluda boso.

¹⁴E grasia di Senor Jesu-Cristo, i e amor di Dios, i e komunion di Spiritu Santu, sea ku boso tur. Amen.