Read Papantla Totonac 2 Korintionan 2 Bible Online

2 Korintionan 2 - Papantla Totonac bible

2 Korintionan 2

¹Ma mi a determina esaki pa mi mes bon, ku lo mi no bin serka boso den tristesa atrobe.

²Pasobra si mi hasi boso tristu, ken anto lo hasimi kontentu sino esun ku mi a hasi tristu?

³I esaki ta presisamente loke mi a skirbi boso, pa ora mi yega mi no hana tristesa for di esnan ku mester a hasimi regosiha, teniendo konfiansa den boso tur, ku mi goso lo tabata e goso di boso tur.

⁴Pasobra for di den hopi aflikshon i angustia di kurason mi a skirbi boso ku hopi lagrima; no pa hasi boso bira tristu, ma pa boso por sa di e amor ku mi tin spesialmente pa boso.

⁵Ma si un hende a kousa tristesa, e no a kousa tristesa na ami, ma den sierto sentido--pa mi no eksagera--na boso tur.

⁶Pa un hende asina e kastigu aki ku el a hana di e mayoria ta sufisiente,

⁷asina ku, alkontrario, mas bien boso mester pordon'e i konsol'e, pa di un of otro manera un hende asina no keda desespera dor di demasiado tristesa.

⁸Pesei mi ta roga boso pa konfirma boso amor p'e.

⁹Pasobra ta ku e proposito aki tambe mi a skirbi pa mi por pone boso na prueba, pa mira si boso ta obedesido den tur kos.

¹⁰Ma ken ku boso pordona algu, mi tambe ta pordona; pasobra di berdat loke mi a pordona, si mi a pordona algu, mi a hasie pa boso motibu den e presensia di Cristo,

¹¹pa Satanas no tuma bentaha riba nos; pasobra su trikinan no ta deskonosi pa nos.

¹²Awor ora mi a yega Troas pa e evangelio di Cristo, i ora un porta a wordu habri pa mi den Senor,

¹³mi no tabatin sosiegu den mi spiritu, pasobra mi no a hana mi ruman Tito; ma despues di a despedi di nan, mi a bin Masedonia.

¹⁴Ma grasia sea na Dios, Kende semper ta guia nos den Su triunfo den Cristo, i ta manifesta dor di nos e holo dushi di e konosementu di djé na tur kaminda.

¹⁵Pasobra nos ta un holo dushi di Cristo pa Dios meimei di esnan ku ta wordu salba i meimei di esnan ku ta perese;

¹⁶pa esun un holo di morto pa morto, pa e otro un holo di bida pa bida. I ken ta kompetente pa e kosnan aki?

¹⁷Pasobra nos no ta manera asina hopi hende, kendenan ta kana hasi negoshi ku e palabra di Dios. Alkontrario, den Cristo nos ta papia dilanti di Dios ku tur sinseridat, manera hombernan manda dor di Dios.