Read Papantla Totonac Galatanan 6 Bible Online

Galatanan 6 - Papantla Totonac bible

Galatanan 6

¹Rumannan, asta si un hende wordu sorprendi den kualkier delito, boso, ku ta spiritual, restora un hende asina den un spiritu di mansedumbre; kada un wak su mes, pa boso tambe no wordu tenta.

²Kada un karga peso di otro, i asina kumpli ku e lei di Cristo.

³Pasobra si un hende pensa ku e ta algu, siendo ku e no ta nada, e ta gana su mes.

⁴Ma laga kada un samina su mes obra, i e ora ei e lo tin motibu pa gaba solamente enkuanto su mes, i no enkuanto un otro.

⁵Pasobra kada un lo karga su mes karga.

⁶I laga esun ku ta wordu sina den e palabra komparti tur kos bon ku esun ku ta sin'e.

⁷No gana boso mes: Dios no ta laga hasi bofon di djé; pasobra loke un hende sembra, esaki tambe e lo kosecha.

⁸Pasobra esun ku sembra pa su mes karni lo kosecha korupshon for di e karni, ma esun ku sembra pa e Spiritu lo kosecha bida eterno for di e Spiritu.

⁹I no laga nos kansa di hasi bon, pasobra na debido tempu nos lo kosecha, si nos no desmaya.

¹⁰Asina anto, mientras nos tin oportunidat, laga nos hasi bon na tur hende, i spesialmente na esnan ku ta di e famia di fe.

¹¹Mira ku ki leternan grandi mi ta skirbi boso ku mi mes man.

¹²Esnan ku kier hasi un bon impreshon den kami ta purba obliga boso pa wordu sirkumsida, simplemente pa nan no wordu persigui pa kousa di e krus di Cristo.

¹³Pasobra esnan ku ta sirkumsida, ni nan mes no ta kumpli ku e Lei, ma nan kier pa boso wordu sirkumsida, pa nan por gloria den boso karni.

¹⁴Ma ohala ku nunka lo mi gloria sino den e krus di nos Senor Jesu-Cristo, dor di kual e mundu a wordu krusifika pa mi, i ami pa e mundu.

¹⁵Pasobra ni sirkumsishon no ta nada, ni insirkumsishon, ma un kreashon nobo.

¹⁶I esnan ku lo kana segun e regla aki, pas i miserikordia sea riba nan, i riba e Israel di Dios.

¹⁷For di awor padilanti, no laga ni un hende molestiami, pasobra mi ta karga na mi kurpa e markanan di Jesus.

¹⁸E grasia di nos Senor Jesu-Cristo sea ku boso spiritu, rumannan. Amen.