Read Papantla Totonac Efesionan 6 Bible Online

Efesionan 6 - Papantla Totonac bible

Efesionan 6

¹Yunan, obedese boso mayornan den Senor, pasobra esaki ta hustu.

²Onra bo tata i bo mama (ku ta e prome mandamentu ku un promesa),

³pa bai bo bon i pa bo tin bida largu riba tera.

⁴I boso, tatanan, no proboka boso yunan na rabia, ma lanta nan den e disiplina i instrukshon di Senor.

⁵Esklabunan, sea obedesido na esnan ku ta boso shon segun karni, ku temor i temblamentu, den e sinseridat di boso kurason, manera na Cristo,

⁶no sirbiendo pa bista, manera esnan ku kier agrada hende, ma manera esklabunan di Cristo, hasiendo e boluntat di Dios di kurason.

⁷Sirbi ku bon boluntat, manera na Senor, i no na hende,

⁸sabiendo ku ki kos bon ku kada un hasi, esaki e lo risibi bek di Senor, sea esklabu of liber.

⁹I boso, shonnan, hasi meskos ku nan, i laga amenasa para, sabiendo ku e Shon, tantu di nan komo di boso, ta den shelu, i p'E no tin distinshon di persona.

¹⁰Finalmente, sea fuerte den Senor, i den e forsa di Su poder.

¹¹Bisti e armadura kompleto di Dios, pa boso por para firme kontra e trampanan di diabel.

¹²Pasobra nos lucha no ta kontra karni i sanger, sino kontra e gobernantenan, kontra e podernan, kontra e forsanan mundial di e skuridat aki, kontra e forsanan spiritual di maldat den e luganan selestial.

¹³Pesei, tuma e armadura kompleto di Dios, pa boso por resist! den e dia malu, i despues di a hasi tur kos, para firme.

¹⁴Para firme anto, ku boso hep faha ku berdat, i ku e korasa di hustisia bisti,

¹⁵i ku boso pianan bisti ku e preparashon di e evangelio di pas;

¹⁶i riba tur kos, tumando e eskudo di fe, ku kual boso lo por paga tur e flechanan send! di e malbado.

¹⁷I tuma e helm di salbashon, i e spada di e Spiritu, kual ta e Palabra di Dios.

¹⁸Ku tur orashon i suplika pidi tur ora bai den Spiritu, i ku esaki na bista, sea alerta ku tur perseveransia i suplika pa tur e santunan.

¹⁹I hasi orashon pa mi, pa e palabra por wordu duna na mi, pa mi por habri mi boka pa hasi konosi ku tur frankesa e misterio di e evangelio,

²⁰pa kual mi ta un embahador na kadena; di manera ku mi por papia di dje ku tur frankesa, manera mi mester papia.

²¹Ma pa boso tambe por sa di mi sirkumstansianan, kon ta bai ku mi, e ruman stima i sirbido fiel den Senor, Tikiko, lo hasi tur kos konosi na boso.

²²I mi a mand'e serka boso ku e proposito aki, pa boso por sa di nos, i pa e por konsola boso kurason.

²³Pas sea ku e rumannan, i amor ku fe, di Dios Tata i di Senor Jesu-Cristo.

²⁴Grasia sea ku tur esnan ku ta stima nos Senor Jesu-Cristo ku un amor inkoruptibel. Amen.