Read Papantla Totonac Kolosensenan 2 Bible Online

Kolosensenan 2 - Papantla Totonac bible

Kolosensenan 2

¹Pasobra mi kier pa boso sa ki un lucha grandi mi ta lucha pa boso, i pa esnan ku ta na Laodisea, i pa tur esnan ku no a mira mi kara personalmente,

²pa nan kurason wordu enkurasha, siendo uni ku otro den amor, i alkansando tur e rikesa ku ta bin di e siguransa kompleto di komprendementu, ku ta resulta den un konosementu berdadero di e misterio di Dios, esta, Cristo mes,

³den Kende tur e tesoronan di sabiduria i konosementu ta skondi.

⁴Mi ta bisa esaki pa ni un hende no gana boso ku argumento ku ta zona bunita.

⁵Pasobra maske mi ta ousente den kurpa, sinembargo, mi ta ku boso den spiritu, kontentu pa mira boso bon disiplina i e stabilidat di boso fe den Cristo.

⁶Pesei, meskos ku boso a risibi Cristo Jesus e Senor, asina kana den djé,

⁷siendo firmemente araiga i awor edifika den djé i stables! den boso fe, meskos ku boso a wordu instrui, i ta abunda den gradisimentu.

⁸Mira pa ni un hende no kohe boso prezo dor di filosofia i engano bano, segun tradishon di hende, segun e prinsipionan elemental di mundu, i no segun Cristo.

⁹Pasobra den djé henter e plenitut di e Deidat ta biba korporalmente,

¹⁰i den djé boso a wordu has! kompleto, i E ta e kabes riba tur gobierno i outoridat;

¹¹i den djé boso a wordu sirkumsida tambe ku un sirkumsishon no has! ku man, dor di e kitamentu di e naturalesa pekaminoso pa medio di e sirkumsishon di Cristo,

¹²siendo dera kuné den boutismo, den kual boso a wordu lanta tambe huntu kuné dor di fe den e poder di Dios, Kende a lant'E for di e mortonan.

¹³I tempu boso tabata morto den boso transgreshonnan i e insirkumsishon di boso karni, El a hasi boso bibu huntu kuné, dor di a pordona nos tur nos transgreshonnan,

¹⁴dor di kansela e sertifikado di debe ku tabata konsisti di dekretonan kontra nos i ku tabata hostil pa ku nos; i El a kit'e for di kaminda dor di klab'e na krus.

¹⁵Ora ku El a desarma e gobernantenan i outoridatnan, El a ekspone nan publikamente, dor di triunfa riba nan pa medio di djé.

¹⁶Pesei, no laga ni un hende aktua komo boso hues enkuanto komementu of bebementu, of enkuanto un dia di fiesta of luna nobo of dia di Sabat--

¹⁷kosnan ku ta djis sombra di loke mester bin; ma e realidat ta pertenese na Cristo.

¹⁸No laga ni un hende sigui defrouda boso di boso premio dor di hiba gustu den umildat falsu i adorashon di angelnan, konfiando riba vishonnan ku el a mira, arogante sin motibu pa kousa di su mente karnal,

¹⁹sin tene na e Kabes, for di kual henter e kurpa, siendo sosteni i ten! huntu pa medio di e skarnirnan i kabuyanan, ta krese ku un kresementu ku ta di Dios.

²⁰Si boso a muri ku Cristo pa e prinsipionan basiko di mundu, pakiko, komo si fuera boso tabata biba den mundu, boso ta somete boso mes na dekretonan, manera,

²¹"No toka, no purba, no mishi!"

²²kualnan tur ta refer! na kosnan destina pa kaba dor di uzo--konforme e mandamentunan i sinansanan di hende?

²³Esakinan ta asuntonan ku di berdat tin aparensia di sabiduria den religion ku hende mes a traha, i den umildat falsu i den trato severo di e kurpa, ma ku no ta di ningun balor kontra satisfakshon di e karni.