Read Papantla Totonac Kolosensenan 3 Bible Online

Kolosensenan 3 - Papantla Totonac bible

Kolosensenan 3

¹Si boso a wordu lanta ku Cristo anto, sigui buska e kosnan djariba, kaminda Cristo ta, sinta na man drechi di Dios.

²Pone boso mente riba e kosnan djariba, no riba e kosnan ku ta riba tera.

³Pasobra boso a muri i boso bida ta skond! ku Cristo den Dios.

⁴Ora Cristo, Kende ta nos bida, wordu revela, e ora ei boso tambe lo wordu revela huntu kuné den gloria.

⁵Pesei, konsidera e miembronan di boso kurpa terenal komo morto pa inmoralidat, impuresa, pashon, deseo malu, i golosidat, ku ta igual na idolatria.

⁶Pasobra ta pa motibu di e kosnan aki ku e furia di Dios lo bin riba e yunan di desobedensia,

⁷i den esakinan boso tambe tabata kana un tempu, tempu ku boso tabata biba den nan.

⁸Ma awor boso tambe mester pone tur esakinan un banda: rabia, furia, malisia, kalumnia i palabra sushi for di boso boka.

⁹No gana otro, komo ku boso a pone un banda e hende bieu ku su praktikanan malbado,

¹⁰i a bisti e hende nobo ku ta wordu renoba den un konosementu berdadero segun e imagen di Esun ku a kre'e--

¹¹un renobamentu den kual no tin distinshon entre griego i hudiu, sirkumsida i insirkumsida, barbaro, skita, esklabu i hende liber, ma Cristo ta tur i den tur.

¹²I asina, manera esnan ku a wordu skoh! di Dios, santu i stima, bisti un kurason di kompashon, karino, umildat, mansedumbre i pasenshi.

¹³I boso soporta otro i pordona otro, si un di boso tin un keho kontra un otro; meskos ku Senor a pordona boso, asina boso tambe mester hasi.

¹⁴I ademas di tur e kosnan aki bisti amor, kual ta e laso perfekto di unidat.

¹⁵I laga e pas di Cristo goberna den boso kurason, pa kual di berdat boso a wordu yama den un kurpa; i sea gradisido.

¹⁶Laga e palabra di Cristo biba rikamente den boso, ku tur sabiduria sinando i spiertando otro ku salmo i himno i kantika spiritual, kantando ku gradisimentu den boso kurason na Dios.

¹⁷I tur loke boso hasi ku palabra of ku echo, hasi tur den e nomber di Senor Jesus, dunando gradisimentu dor di djé na Dios e Tata.

¹⁸Esposanan, sea sumiso na boso esposonan, manera ta pas den Senor.

¹⁹Esposonan, stima boso esposanan, i no sea amarga kontra nan.

²⁰Yunan, sea obedesido na boso mayornan den tur kos, pasobra esaki ta agradabel na Senor.

²¹Tatanan, no proboka boso yunan, pa nan no perde animo.

²²Esklabunan, den tur kos obedese esnan ku ta boso shonnan riba tera, no pa bista, manera esnan ku solamente ta agrada hende, ma ku sinseridat di kurason, i ku temor pa Senor.

²³Tur loke boso hasi, hasi boso trabou di kurason, komo pa Senor i no pa hende,

²⁴sabiendo ku for di Senor boso lo risibi e rekompensa di e erensia. Ta Senor Cristo ta Esun ku boso ta sirbi.

²⁵Pasobra esun ku hasi malu lo risibi e konsekuensianan di e maldat ku el a hasi, i esei sin distinshon di persona.