Read Papantla Totonac 1 Tesalonisensenan 1 Bible Online

1 Tesalonisensenan 1 - Papantla Totonac bible

1 Tesalonisensenan 1

¹Pablo i Silvano i Timoteo, Na e iglesia di e tesalonisensenan den Dios Tata i Senor Jesu-Cristo: Grasia na boso i pas.

²Nos ta duna gradisimentu na Dios semper pa boso tur, kordando boso den nos orashonnan,

³konstantemente teniendo den mente boso obra di fe i trabou di amor i firmesa di speransa den nos Senor Jesu-Cristo den e presensia di nos Dios i Tata.

⁴Sabiendo, rumannan stima pa Dios, ku El a skohe boso;

⁵pasobra nos evangelio no a yega serka boso den palabra so, sino tambe den poder i den Spiritu Santu i ku plena konvikshon; meskos ku boso sa ki sorto di hende nos tabata meimei di boso pa boso kousa.

⁶Tambe boso a bira imitadonan di nos i di Senor, despues di a risibi e palabra den hopi tribulashon ku e goso di Spiritu Santu,

⁷asina ku boso a bira un ehempel pa tur e kreyentenan na Masedonia i na Akaya.

⁸Pasobra e palabra di Senor a resona for di meimei di boso, no solamente na Masedonia i Akaya, ma tambe na tur parti ku boso fe den Dios a bira konosi, asina ku nos no tin mester di bisa nada.

⁹Pasobra nan mes ta konta di nos kon nos a wordu risibi serka boso, i kon boso a komberti boso di e diosnan falsu na Dios, pa sirbi un Dios bibu i berdadero,

¹⁰i pa spera Su Yu for di shelu, Kende El a lanta for di e mortonan, esta, Jesus, Kende ta libra nos di e furia ku lo bin.