Read Papantla Totonac 1 Tesalonisensenan 3 Bible Online

1 Tesalonisensenan 3 - Papantla Totonac bible

1 Tesalonisensenan 3

¹Pesei, ora nos no por a soporta mas, nos a hana ku ta miho pa ked'atras na Atenas nos so;

²i nos a manda Timoteo, nos ruman i kompanero di trabou di Dios den e evangelio di Cristo, pa fortalese i enkurasha boso tokante di boso fe,

³pa ningun hende no bira intrankil pa motibu di e aflikshonnan aki; pasobra boso mes sa ku nos a wordu destina pa esaki.

⁴Pasobra di berdat tempu nos tabata serka boso, nos a bisa boso di antemano ku nos lo tabata bai sufri aflikshon; i asina a sosode tambe, manera boso sa.

⁵Pa e motibu aki, ora mi no por a soporta mas, mi tambe a trata di hana sa tokante di boso fe, pa miedu ku e tentado por a hinka boso den tentashon, i nos trabou lo a resulta en bano.

⁶Ma awor ku Timoteo a bolbe for di boso serka nos, i a trese bon notisia pa nos di boso fe i amor, i ku boso semper ta korda nos ku karino, anhelando pa mira nos, meskos ku nos tambe ta anhela pa mira boso,

⁷pa e motibu aki, rumannan, den tur nos angustia i aflikshon nos a wordu konsola tokante di boso dor di boso fe,

⁸pasobra awor nos ta biba, si boso para firme den Senor.

⁹Pasobra ki gradisimentu nos por duna Dios pa boso pa tur e goso ku kual nos ta regosiha dilanti di nos Dios pa boso motibu?

¹⁰Di dia i anochi nos ta sigui hasi orashon pa boso, pa nos por mira boso kara i kompleta loke ta falta den boso fe.

¹¹Awor, ku nos Dios i Tata mes i Jesus nos Senor dirigi nos kaminda serka boso;

¹²i ku Senor hasi boso oumenta i abunda den amor pa otro, i pa tur hende, meskos ku nos tambe tin pa boso;

¹³pa E stablese boso kurason ireprochabel den santidat dilanti di nos Dios i Tata na binida di nos Senor Jesus ku tur Su santunan.