Read Papantla Totonac Josue 12 Bible Online

Josue 12 - Papantla Totonac bible

Josue 12

¹Awor esakinan ta e reinan di e tera ku e yunan di Israel a derota, i kende nan tera nan a podera di dje na e otro banda di Jordan den direkshon di kaminda solo ta sali, for di e vaye di Arnon te na Seru Hermon, i henter Araba bai pariba:

²Sehon, rei di e amoreonan, kende tabata biba na Hesbon, i tabata goberna for di Aroer ku ta keda na rant di e vaye di Arnon, tantu e sentro di e vaye i mitar di Galaad, te na Riu Jabok, e frontera di e yu hombernan di Amon;

³i Araba te na e laman di Kineret den direkshon pariba, i te na e laman di Araba, Laman Salu, bai pariba, den direkshon di Bet-jesimot, i parti pasuit, na pia di e bahadanan di Pisga;

⁴i e teritorio di Og, rei di Basan, un di e restantenan di Refaim, kende tabata biba na Astarot i na Edrei,

⁵i tabata goberna Seru Hermon i Salka i henter Basan, te na e frontera di e gesuritanan i e maakatitanan, i mitar di Galaad, te na e frontera di Sehon, rei di Hesbon.

⁶Moises, e sirbido di SENOR, i e yunan di Israel a derota nan; i Moises, e sirbido di SENOR, a duna esaki komo propiedat na e rubenitanan i e gaditanan i na e mitar tribu di Manases.

⁷Awor esakinan ta e reinan di e tera ku Josue i e yunan di Israel a derota na e otro banda di Jordan den direkshon pabou, for di Baal-gad den e vaye di Libano te na Seru Halak, ku ta subi bai den direkshon di Seir; i Josue a duna esaki na e tribunan di Israel komo nan propiedat, segun nan divishonnan,

⁸den e serunan, den e vayenan, den Araba, riba e bahadanan i den desierto i den Negev-- e heteo, e amoreo i e kananeo, e ferezeo, e heveo i e jebuseo:

⁹rei di Jeriko, un; rei di Ai, ku ta keda banda di Bet-el, un;

¹⁰rei di Jerusalem, un; rei di Hebron, un;

¹¹rei di Jarmut, un; rei di Lakis, un;

¹²rei di Eglon, un; rei di Gezer, un;

¹³rei di Debir, un; rei di Geder, un;

¹⁴rei di Horma, un; rei di Arad, un;

¹⁵rei di Libna, un; rei di Adulam, un;

¹⁶rei di Makeda, un; rei di Bet-el, un;

¹⁷rei di Tapua, un; rei di Hefer, un;

¹⁸rei di Afek, un; rei di Lasaron, un;

¹⁹rei di Madon, un; rei di Hazor, un;

²⁰rei di Simron-meron, un; rei di Aksaf, un;

²¹rei di Taanak, un; rei di Meguido, un;

²²rei di Kedes, un; rei di Jokneam na Karmelo, un;

²³rei di Dor, den e serunan di Dor, un; rei di Goim na Gilgal, un;

²⁴rei di Tirsa, un: trint'i un rei na tur.